Гарадзенская выставачная зала быццам перанеслася на мільёны гадоў у мінулае. У створаных там джунглях можна пагрузіцца ў эпоху велізарных яшчараў, пабачыць як страшнага тыраназаўра Рэкса, гэтак і малых дыназаўрыкаў, якія толькі вылупіліся з яек.
У ліпені гарадзенская ДАІ выклала на грамадскае абмеркаванне ідэю абмежаваць рух веласіпедыстаў па Старым мосце. Прапанавалася, што адзін бок ходніка будзе выключна для пешаходаў, а ровары змогуць ехаць толькі па супрацьлеглым. Але такая прапанова вельмі не спадабалася жыхарам горада.
Беларуская чыгунка ў сістэме продажу праз інтэрнэт на сайце poezd.rw.by пачала прадаваць білеты ў міжнародных зносінах з краінамі Еўропы: Польшчай, Германіяй, Балгарыяй, Францыяй, Чэхіяй, Венгрыяй і іншымі, паведамілі ў прэс-цэнтры БЧ.
Больш станцый, дзе ў горадзе можна ўзяць напракат роват у межах сістэмы BiKeR (Беластоцкая роварная камунікацыя), хочуць стварыць дэпутаты гарадскога савета Беластока. Таксама сярод іх прапаноў – дадаць дзіцячыя і электраровары. Гарадскі ровар – надзвычай папулярны ў Беластоку. Сёлета жыхары горада ў чарговы раз пабілі рэкорд па колькасці выкарыстанняў BiKeR’a, піша poranny.pl.
Жыхары Гарадзеншчыны, як і ўсе астатнія беларусы, змогуць прыняць удзел у маштабнай бегавой ініцыятыве “Эстафета дапамогі”, якая пройдзе ў першыя дні Алімпіяды. Кожны жадаючы 5 і 6 жніўня зможа прабегчы са смартфонам у любой частцы свету, а кампанія velcom перавядзе кіламетры ў рублі і накіруе ў дапамогу дзецям з фізічнымі парушэннямі.
Увечары 26 ліпеня ў адной з крамаў Гродна пры пераразліку выручкі работнікі заўважылі купюру 20 рублёў з прыкметамі падробкі. Яе вырабілі ў бытавых умовах з дапамогай капіравальнай тэхнікі, паведамілі ва Упраўленні следчага камітэта па Гродзенскай вобласці.
Трагедыя на праспекце Кляцкова адбылася ў ноч на пятніцу, 29 ліпеня. Мужчына 1988 года нараджэння пасля застолля нечакана выйшаў у суседні пакой, стаў на падваконнік, пасля чаго паваліўся ўніз з сёмага паверха. Мужчына загінуў на месцы.
Валанцёры з Брэста і Калінкавіч увечары пасла працы на замку вярталіся на часовае месцах жыхарства ў Любчы ды сустрэлі па дарозе 20-гадовага хлопца з вёскі Галынь Навагрудскага раёна. Ён паспрабаваў патлумачыць ім, што мясцовыя жыхары ў пасёлку важней за прыезджых, а каб словы гучалі больш пераканаўча, ён выкарыстаў фізічную сілу, паведамілі ў прэс-службе гарадзенскай міліцыі.
На тэрыторыі Гродзенскай вобласці 28 ліпеня ў выніку праходжання навальніцы і ветру хуткасцю да 11 м/с быў пашкоджаны дах двух жылых дамоў у Смаргонскім раёне. Таксама ў Гродне на вуліцы Пестарка было падтоплена 12 кватэр, паведамілі ў прэс-службе абласнога ўпраўлення МНС.
Наведнікаў этнакрамы “Цудоўня” чакае майстар-клас з расповедам пра гісторыю і сутнасць выцінанкі. Гэта від дэкаратыўна-прыкладнога мастацтва, які мае глыбокія карані, а ў беларускай народнай культуры расквітнеў у ХІХ – 1-й пал. ХХ ст. У гарадзенцаў будзе рэдкая магчымасць не толькі даведацца пра гісторыю і асаблівасці выцінанкі, але і навучыцца самім ствараць легкаважныя папяровыя карункі-карціны.
