Стартаваў Пяты фестываль беларускамоўнай рэкламы і камунікацыі AD.NAK!, які штогод звяртае ўвагу прафесійных рэкламшчыкаў і грамадства да рэкламы і іншых сродкаў маркетынгавых камунікацый, выкананых на беларускай мове. У гэтым годзе адбыліся значныя змены – пашырылася колькасць намінацый, абнавілася конкурсная праграма.
Майстар саксафона Павел Аракелян і яго сястра Алена выступяць у межах другога дня фестывалю журналістыкі “Твой стыль”. У праграме: аўтарскія джазавыя кампазіцыі, блюз і фанк на англійскай і беларускай мовах (на вершы вядомых паэтаў).
Трэці гарадзенскі паэтычны слэм пройдзе ў чацвер 15 мая ў дворыку антыкафэ “Жывы час”. На ім мы прадставім маладое пакаленне гарадзенскіх паэтаў. Таксама гасцей чакаюць новыя вядучыя, новая сістэма выбару пераможцы і выступ мінскага гурта Handmade (на фота).
Пазаконкурсную праграму анімацыі і беларускага кіно ад міжнароднага фестывалю Cinema Perpetuum Mobile гарадзенцы змогуць пабачыць 17-18 мая ў антыкафэ “Жывы час”.
Прэзентуем чытачам трэцяе відэа праекта “Музыка гарадзенскіх вуліц”. Гэтым разам у нас беларускамоўная песня на верш Караткевіча. Мы запісалі мінскага барда Рамана Яраша ля будынка гарадзенскай сінагогі.
Фестываль моладзевай журналістыкі пройдзе ў Гродне ўжо ў бліжэйшыя выходныя 16-18 мая. Ужо з’явілася падрабязная праграма мерапрыемства – з выставамі, майстар-класамі, прэзентацыямі і ток-шоў, а таксама канцэртам.
“Аграстайлам” назваў вядомы гарадзенскі блогер-гісторык Мечыслаў Супрон сённяшні выгляд дома інжынера-чыгуначніка Астроўскага. Асабняк 1920-30 гадоў пабудовы мінулым летам пачалі перабудоўваць пад адміністрацыйна-гаспадарчы корпус дзіцячага шпіталя.
Дзень Перамогі, фотачкі ад расійскіх турыстаў, Лялькі над Нёманам, чалавек у халадзільніку, а таксама коцікі і сабачкі. Чарговы выпуск нашай штотыднёвай падборкі Гродна ў Instagram.
На семінары, арганізаваным Еўрапейскім гуманітарным універсітэтам, будуць прадстаўленыя сучасныя тэндэнцыі ў развіцці экзістэнцыяльнай псіхалогіі і тэрапіі.
Сёлетні Фестываль беларускамоўнай рэкламы і камунікацыі AD.NAK! разам са студыяй брэндынгу On Foot ладзіць конкурс “Брэнд-перазагрузка” і прапануе ўдзельнікам ператварыць мясцовыя гандлёвыя маркі і брэнды так, каб яны адназначна ўспрымаліся як беларускія.
