10 ліпеня (нядзеля) магчымыя некаторыя абмежаванні па руху транспартных сродкаў праз пункт пропуску “Прывалка” на паласе руху на ўезд у Беларусь з Літвы. Непасрэдна ў самім пункце пропуску пераехаць мяжу будзе складана прыкладна з 8.20 раніцы да 12 гадзін дня. А па аўтадарозе праезд абмяжуюць да 14 гадзін.
Цяпер ездзіць за мяжу на сваім аўто можна будзе часцей, чым раз у 8 дзён.
Камісія сейму па справах кантактаў з палякамі за мяжой пазітыўна ацаніла кандыдата на генеральнага консула ў Гродне Яраслава Ксёнжэка. Яго сябры камісіі падтрымалі адзінагалосна. Ксёнжэк працуе ў Міністэрстве замежных спраў з 1993 год, ён працаваў у шматлікіх дыпламатычных пляцоўках, паведамляе Gazeta Prawna.
Гродзенскі дзіцячы хоспіс запрашае на святочнае мерапрыемства “Купальскія мары”, якое адбудзецца 9 ліпеня ў цэнтры горада, ля гастрабара Werden па вул. Маставой.
Свята музыкі пройдзе ў Лютэранскай царкве св. Яна ў Гродне з 13 па 27 ліпеня. На ім выступяць арганісты з Беларусі, Расіі, Літвы, Польшчы і Германіі.
З 4 ліпеня па 2 жніўня 2016 у Польшчы, будзе ўведзены часовы кантроль на межах з Чэхіяй, Германіяй, Літвой і Славакіяй, а таксама ў марскіх і авіяцыйных партах – то бок на ўсіх унутраных межах Шэнгенскай зоны. Адпаведную пастанову прыняў Міністр унутраных спраў і адміністрацыі, паведамілі ў прэс-службе Падляшскага аддзялення польскай памежнай службы.
Дзяўчынка выпала з акна пятага паверху дзевяціпавярховага дома па вуліцы Малышчынскай увечары 1 ліпеня. Яе маці ў гэты час знаходзілася з васьмігадовым братам у іншым пакоі, паведаміў афіцыйны прадстаўнік УСК па Гродзенскай вобласці Сяргей Шаршаневіч.
Этнакрама “Цудоўня” і “Гарадзенская Бібліятэка” запрашаюць на прэзентацыю дзясятага, юбілейнага нумара гістарычнага альманаха “Горад Святога Губерта”. Выданне змяшчае матэрыялы па розных праблемах гісторыі Гродна і Гродзеншчыны, размеркаваныя паміж рубрыкамі “Рэканструкцыя і памяць”, “Вяртанне забытых імёнаў”, “Старонкі гісторыі”, “Анатацыі”.
У дажджлівы нядзельны вечар прапануем скласці пазл з прыгожай летняй выявай Мірскага замка, якую мы разрэзалі на 45 кавалкаў. Збяры пазл правільна, перасоўваючы часткі мышкай ці тачпадам.
Кур’ёзны білборд, на якім пераблыталі Янку Купалу і Якуба Коласа, адзначылі на Сёмым фестывалі беларускамоўнай рэкламы і камунікацыі aDNaK. Антыпрэміяй “Каша сувораўская” ўзнагароджваюць рэкламныя прадукты, якія дэманструюць непрафесійны падыход аўтараў да іх стварэння, адзначаюцца грэблівым, няўважлівым і неахайным стаўленнем да гісторыі і культуры Беларусі.
