Volkswagen Transporter 14 сакавіка каля 00.30 сутыкнуўся на чыгуначным пераездзе з цягніком. Па інфармацыі ДАІ, кампанія моладзі вярталася ў Мінск пасля адпачынку ў аквапарку Друскенік. Кіроўца, які адзначаў там свой дзень народзін, заснуў за рулём.
Другая гарадзенская міжпакаленчая Жывая бібліятэка пройдзе 19 сакавіка. Разам з “жывымі кнігамі” пагартаем старонкі сямейных альбомаў, “пачытаем” гісторыі пра жыццёвыя авантуры і прыгоды, неспадзяваныя вандроўкі і знаёмствы, а таксама пачуем кранальныя сямейныя легенды ды гісторыі кахання.
Этнакрама “Цудоўня” і выдавецтва “Тэхналогія” запрашаюць на прэзентацыю кнігі “Літва–Беларусь. Гістарычныя выведы” (аўтар Язэп Лёсік, укладальнік Зміцер Санько, аўтар пасляслоўя Алесь Жлутка). Кніга прысвечаная гісторыі этноніма “літва” і пытанню этнічнай прыналежнасці старажытных ліцьвіноў. Пасляслоўе, напісанае гісторыкам-медыявістам Алесем Жлуткам, змяшчае крытычны агляд розных версій – ад сярэднявечных да сучасных, што спрабуюць развязаць гэтую загадку. У дадатку – артыкул Я. Люціча-Воўка 1949 г., які наўпрост датычыць тэмы Лёсікавай працы.
У Беларусі ў канцы гэтага тыдня ўсталюецца зімовае надвор’е. Пачынаючы з пятніцы і да канца тыдня ўладу над надвор’ем возьмуць актыўныя атмасферныя франты. Праходзячы праз нашу краіну, яны будуць зацягваць халоднае паветра паўночных шырот. Сярэдняя тэмпература чакаецца на 1—3°С ніжэй за норму. Усталюецца снежнае покрыва вышынёй 1—5 см.
ДТЗ адбылося 14 сакавіка каля 00.37. Volkswagen T5 Multivan выехаў на неахоўваемы чыгуначны пераезд без шлагбаўма, дзе сутыкнуўся з цеплавозам, які цягнуў пяць вагонаў, паведамілі ў прэс-службе МНС.
Беларускі архіў вуснай гісторыі і музей “Дом Анны Франк” запрашаюць на трэнінг па стварэнню відэа і даследаванню памяці ў горадзе “Шпацыр па памяці” ў Гародні, які адбудзецца 1-3 красавіка 2016 года.
Намеснік старшыні Гродзенскага гарвыканкама Барыс Фёдараў сустрэўся з бургамістрам Аўгустова Войцехам Валюлікам. Сустрэча прайшла 10 сакавіка ў Аўгустове.
Пасля нарады ў прэзідэнта міністр працы і сацыяльнай абароны Мар’яна Шчоткіна распавяла, якім чынам прапануецца павышаць пенсійны ўзрост у Беларусі. Паводле яе слоў, прапануецца пачаць гэты працэс з 1 студзеня 2017 года.
“Белнафтахім” абяцае пакуль не павышаць рознічныя цэны на паліва, нягледзячы на рост акцызаў.
49-гадовая нідзе не працуючая жыхарка аднаго з раёнаў Гродзенскай вобласці “славілася” спецыялістам па варажбе, зняццю сурокаў і лячэнню спалоху. Наяўнасць “адмысловага прыроджанага дару” дазваляла ўбачыць наведзеныя на чалавека сурокі, а “ўнутраная сіла” варажбіткі павінна была дапамагчы ў лячэнні.
