Грамадзяне пачалі прыносіць на “апазнанне” ў Гродзенскі занальны цэнтр гігіены і эпідэміялогіі незвычайных мух, прымаючы іх за кляшчоў. “Перспектыва” даведвалася, што за “невядомая звярына” пасялілася ў нашых лясах.
Алея кіно, якую адкрылі ў Гродне ў дзень святкавання яго 888-годдзя, стала першай у Беларусі. Знаходзіцца яна каля былога кінатэатра “Гродна” (сёння – моладзевы цэнтр) і пачынаецца з таблічкі, прысвечанай фільму “Белыя росы”.
Футбольны “Нёман” не змог парадаваць гарадзенцаў у Дзень горада. Выязны матч у Барысаве супраць БАТЭ скончыўся разгромнай паразай для каманды Ігара Кавалевіча. На думку галоўнага трэнера “Нёмана”, гульню сапсаваў галоўны суддзя, які ў першым тайме выдаліў вядучага абаронцу гарадзенцаў.
Інтэрактыўныя прыпынкі могуць з’явіцца ў Мінску, Брэсце і Гродне. Пра гэта падчас адкрыцця першага ў Беларусі інтэрактыўнага прыпынку ў Гомелі па праекце “Код горада” паведаміў старшыня савета дырэктараў кампаніі-распрацоўніка дадзенага праекта “АйТиПроектСтрой” Андрэй Сушчэня, піша БелТА.
У суботу, 17 верасня, у рамках святкавання 888-годдзя Гродна на летняй эстрадзе парку імя Жылібера адбудзецца дзіцячае свята фарбаў ColorFest.
Пасля таго, як у інтэрнэце былі апублікаваныя твары асоб, што пачалі бойку з кантралёрамі, мужчыны самі прыйшлі ў міліцыю.
П’яныя гарадзенцы – два хлопцы і дзяўчына – у тры гадзіны ночы 26 жніўня прагульваліся па вуліцы Савецкай з вялізным букетам кветак і дрэўцам. Як пазней высветлілася, расліны скралі з клумбы ля помніка-танка, на плошчы Савецкай. Кампанія трапіла ў аб’ектыў камер відэаназірання і цяпер міліцыя шукае аматараў раслін, паведамілі ў прэс-службе гродзенскай міліцыі.
Гродзенскае тралейбуснае ўпраўленне ў жніўні набыло шэсць відэарэгістратараў для кантралёраў грамадскага транспарту. Цяпер усе праверкі пасажыраў на наяўнасць праязных білетаў будуць запісвацца на відэа, а пасля працоўнага дня іх будуць архіваваць у інфармацыйнай базе, паведамілі ў ГТУ.
У самым цэнтры Гродна на вуліцы Тэльмана пад знос пайшоў чарговы стары дом. На месцы пабудовы канца XIX стагоддзя з’явіцца звычайная пляцоўка, якая ў будучыні ўвойдзе ў праект рэканструкцыі суседняга дома.
Аператар МТС цалкам абновіць і перавядзе на абсталяванне кампаніі Huawei базавыя станцыі 3G і 2G у сваёй сеткі на тэрыторыі Брэсцкай, Віцебскай, Гомельскай, Гродзенскай і Магілёўскай абласцей. Пасля завяршэння запланаваных работ абаненты МТС змогуць карыстацца 3G практычна ў любым пункце Беларусі, паведамляе прэс-служба кампаніі.
