Комплекс гульняў прайшоў ў мінулыя выходныя на гарадзенскім дамене http://grodno.en.cx. Аматару здагадацца, што гэта за мелодыя, можна было ў адной з гульняў, узгадаўшы свае веды пра тое, якому гораду прысвечана тая, ці іншая песня. А аматарам экстрэмальных прыгодаў – пабегаць па гораду ў пошуках розных кодаў з ліхтарыкам.
Сёння каля кінатэатра «Космас» прайшла прэзентацыя фільма «Вулічныя танцы 2» (3D). Арганізатарамі гэтага мерапрыемства сумесна сталі кінатэатр «Космас» і мясцовы танцавальны гурт «socks crew».
Гродзенскі «Нёман» у матчы 7-га тура згуляў 29 красавіка ў нічыю з мінскім «Дынама». Гульня азмрочылася канфліктамі міліцыі з фанатамі гарадзенскай каманды.
Пенсіянеры з 1 мая па 30 верасня могуць набываць білеты на прыгарадныя паязды за паўцаны, паведамілі БЕЛТА ў прэс-службе Беларускай чыгункі.
27 красавіка у Бярозаўцы міліцыянты канфіскавалі 800 асобнікаў газеты «Новы час». Газеты перасылаліся з Мінску мясцовым актывістам Партыі БНФ і Руху «За Свабоду», якія афіцыйна з’яўляюцца грамадскімі распаўсюднікамі выдання. Актывісты Сяргей Трафімчык і Вітольд Ашурак былі дастаўленыя ў мясцовы пастарунак, дзе быў складзены акт аб канфіскацыі друкаванай прадукцыі.
Учора ў сувязі з чуткамі пра падвышэнне цэнаў на алкаголь крэпасцю звыш 28 градусаў у крамах горада вельмі хутка распрадавалася гарэлка. Ажыятаж быў вялікі: крамы перапоўненыя, паліцы пустыя. Літаральна за дзень у Еўраопце раскупілі амаль усю гарэлку. Людзі куплялі па некалькі дзясяткаў бутэлек.
З 29 красавіка ў Беларусі павялічваюцца гранічныя максімальныя адпускныя цэны на некаторыя малочныя прадукты і хлеб.
Ад учорашняга дня на святлодыёднае табло на Савецкай плошчы ўсталявалі гукавую сістэму. Зараз гродзенцы змогуць успрымаць рэкламу і на слых.
2 мая выдавецкая ініцыятыва прэзентуе ўжо добра разрэкламаваныя і ацэненыя аматарамі гісторыі “Гродназнаўства. Гісторыя еўрапейскага горада” і «Ад Каложы да Фартоў: біяграфія гарадзенскіх вуліц».
З 45 прафесій, якія прапаноўваліся для перанавучання ў студзені-сакавіку, найбольш папулярнымі былі запатрабаваныя на рынку працы спецыяльнасці будаўнічага профілю і кіроўцы.
