Незвычайным чынам вырашылі правесці Дзень святога Валянціна ў гандлёвым цэнтры OldCity. Там запланавалі флэшмоб з самым масавым пацалункам, які можа стаць рэкордным для Гродна.
Пытанне дыферэнцыяванай аплаты за вываз смецця абмяркоўвалі ў Гродне на абласным семінары ЖКГ 4 лютага. Але перш чым гэта будзе ўведзена, трэба ўстанавіць адпаведную колькасць кантэйнераў для раздзельнага зборку смецця – каля 30 тысяч, паведамляе Белта.
11 лютага ў шырокі пракат выходзіць нашумелая трагікамедыя “Гараш”, знятая камандай незалежных беларускіх кінематаграфістаў. 12 лютага пасля прагляду стужкі ў 18.30 у кінатэатры “Кастрычнік” адбудзецца сустрэча з творчай групай фільма.
Прэзентацыя кнігі “Байсан” пройдзе ў вялікіх і малых гарадах у лютым. Выйшаўшая ў выдавецтве “Кнігазбор” кніга атрымала цёплыя водгукі крытыкаў, а яе вокладка – ўзнагароду фестываля беларускай камунікацыі Ad.nak!
Да 29 лютага часова прыпынены рух аўтобусных экспрэс-маршрутаў на рынак “Паўднёвы”. Гэта звязана са змяншэннем колькасць пасажыраў, патлумачылі ў аўтобусным парку Гродна.
3 лютага адбылася прэс-канферэнцыя Упраўлення унутраных спраў Гродзенскага аблвыканкама. Начальніка УУС, палкоўніка міліцыі Вадзім Сіняўскі распавёў пра вынікі працы аддзела ў мінулым годзе і адзначыў, што такога кшталту сустрэчы з прадстаўнікамі прэсы гэта сведчанне адкрытай і празрыстай дзейнасці органаў унутраных спраў.
Вецер хуткасцю да 15-20 м/с і галалёд чакаецца месцамі па Гродзенскай вобласці ў чацвер 4 лютага, паведамілі ў аблгідрамеце.
Дзве аварыі адбыліся раніцай 3 лютага на дарозе Гродна-Азёры ў раёне вёскі Забагонікі, паведамляе ДАІ Гродна
На сайце абласнога ўпраўлення МНС абнавілася рубрыка, у якой выкладаюцца аўдыёфайлы з кур’ёзнымі зваротамі да выратавальнікаў. Апошні раз яна абнаўлялася ажно два гады таму.
У канцы красавіка ў Гродне адбудзецца Х гарадскі фольк-конкурс “Гарадзенская беларусачка – 2016”. Каб паўдзельнічаць у конкурсе прыгажуням трэба даслаць арганізатарам анкету да 20 лютага.
