Фіналісты праекту “Comedy Батл”, кінаакторы і афіцыйныя рэзідэнты “Comedy Club” дуэт “Соседи” завітае ў Гродна 19 жніўня. Піцерскі гумар прагучыць у Начным клубе Movie 60 (Моладзевы цэнтр “Гродна”) ужо другі раз.
4 верасня ў Падляшскай оперы Беластока тэлеканал “Белсат” ладзіць канцэртную прэм’еру юбілейнай версіі “Народнага альбома”, прымеркаванай да надыходзячага 20-годдзя аднаго за найбольш вядомых і уплывовых беларускіх музычных праектаў, піша nn.by.
350 чалавек рушыла раніцай 16 жніўня з Беластока ў Вільню. Яны ўдзельнічаюць у штогадовай пілігрымцы да Маці Божай Вастрабрамскай. У чацвер пілігрымы будуць у Гродне, дзе да іх далучацца мясцовыя вернікі. У Вільні яны будуць 24 жніўня.
Мужчына на веласіпедзе ехаў увечары па дарозе ля вёскі Каробчыцы. Ён пачуў за спіной гук аўтамабіля, а потым – рэзкі боль па ўсім целе. Кіроўца аўто стрэліў у яго з пнеўматычнага пісталета, паведамілі ў прэс-службе міліцыі рэгіёна.
“Белтэлекам” працягвае распаўсюджваць аптвалакно ў Гродне, паведамляе сайт кампаніі. Зараз мадэрнізуецца тэлефонная лінія ў асобных дамах у ваколіцах Фолюша, Дзевятоўкі і Вішняўца. Стары медны кабель замяняецца на аптычны. Змяняюцца таксама нумары тэлефонаў.
16 жніўня ў рамках праекта «[НЕ] Жаночае справа» стартуе серыя адукацыйных мерапрыемстваў для жанчын. Каманда лектараў пры падтрымцы інтэрнэт-крамы Lamoda наведае Брэст, Гродна, Віцебск, Магілёў і Гомель, дзе правядуць воркшопы аб тым, як запусціць у Беларусі сваю справу, няхай гэта будзе ўласны бізнес або грамадская ініцыятыва. Другі воркшоп пройдзе ў Гродне, у 19:00 18 жніўня.
У Гродне знайшлі цела таксіста, якога шукалі больш за суткі. Паводле папярэдняй версіі, што яму нанеслі ўдар каменем па галаве, а пасля задушылі. Смерць гарадзенца пацвердзілi cваякi.
Паэтычная вечарына з прэзентацыяй дыска “Галасы паэтаў” і музычна-спеўнай часткай адбудзецца 16 жніўня ў этнакраме “Цудоўня”. Удзельнічаюць Таццяна Грыневіч, беларуская паэтка-бардэса, музыка, і Антаніна Хатэнка, пісьменніца-публіцыстка, літаратуразнаўца.
Вочна-дыстанцыйны адукацыйны курс для краязнаўцаў будзе адбывацца са жніўня па лістапад 2016 года на базе Платформы дыстанцыйнага навучання грамадскага аб’яднання “ВІТ”. Мэта курса: павышэнне кампетэнцый краязнаўцаў у сферы метадалогіі даследавання і папулярызацыі гісторыка-культурнай спадчыны Гродна і Гродзенскай вобласці.
Чарговы этап кубка “Тры вярсты” пройдзе 14 жніўня ў Гродне. У алімпійскай дысцыпліне крос-кантры могуць прыняць удзел усе жадаючыя.
