Паводле планаў, у квартале паміж вуліцамі 17 верасня, Дзяржынскага, Церашковай і Каханоўскага ліквідуюць прамысловую зону і шчыльна пабудуюць шматпавярховікі. Вуліцу Астроўскага падоўжаць – яна раздзеліць квартал на дзве часткі і дойдзе да чыгуначнага вакзала. Гарадзенцы могуць выказацца наконт гэтага праекта з 21 чэрвеня да 15 ліпеня.
Краязнаўца Віктар Кірэеў і медык Уладзімір Пруднікаў правядуць старонкамі і мясцінамі гісторыі медыцыны ў Горадні – ад часоў каралевы Боны і да сённяшніх дзён. Першая ў Беларусі аптэка, першая ў Беларусі медычная ВНУ, першая хірургічная аперацыя з дапамогай лазернага абсталявання, першая ў горадзе бальніца пры кляштары Святога Духа, постаці Жылібера, Юпатава, Клейна, Тальгейна і шмат іншых цікавых рэчаў – вядомых, малавядомых і амаль невядомых нам сучасным.
Шэраг майстар-класаў па розных напрамках фітнэсу пройдзе гэтым летам у Пышках. Першы занятак будзе прысвечаны зумбе і адбудзецца 18 чэрвеня ў 11.00 на паляне каля танцпляцоўкі. Праект #МояТренировкаСегодня, у межах каторага пройдуць трэніроўкі, арганізаваны кампаніяй МТС у партнёрстве з Grant Fitness. Са словаў арганізатараў, праект прызначаны ў падтрымку для кожнаму, хто хоча весці актыўны лад жыцця. Апроч Гродна бясплатныя трэніроўкі гэтым летам пройдуць у Мінску, Брэсце, Віцебску, Мазыры і Магілёве.
У сядзібе Свяцк Гурскіх пад Гродна 14 чэрвеня здарыўся пажар. Па версіі пажарнікаў, прычынай магла стаць ежа, пакінутая без дагляду на электрапліце. Згарэла 500 кв.м. даху на самай старой і каштоўнай частцы будынка 1828 года, паведамілі ў прэс-службе МНС.
Дзеці, што наведаюць АРТ-Пікнік ў “Велесе” 19 чэрвеня, змогуць пабудаваць уласны “Кардонны горад”. Арганізатарам творчай “будаўнічай пляцоўкі” выступіла Дзіцячая экастудыя, а пастаўшчыком “будматэрыялаў” стала кампанія “ЛайтПакСервис”, што прадукуе ўпакоўку з гафрыраванага кардона. Летась “Кардонны Гродна” паўстаў у дзень горада каля тэатра лялек. Але арганізатары сёлетняй імпрэзы абяцаюць зрабіць новы горад з кардону яшчэ больш крэатыўным і інтэрактыўным.
Адкрыццё гіпермаркета “Евроопт” у гандлёвым цэнтры Old City адбудзецца 16 чэрвеня ў 16.00. Арганізатары абяцаюць шырокую забаўляльную праграму, канцэрт і дэгустацыі. Таксама стала вядома, што новыя крама будзе працаваць ва ўмовах “лінгвістычнага эксперыменту”. Уся пісьмовая камунікацыя, а таксама назвы аддзелаў, тавараў, акцый і г.д. тут будуць беларускамоўнымі.
Сёлета адбудзецца другі мастацкі пленэр “Арт-салат-2016”, падчас якога ў вёсцы Салацце мастакі і дызайнеры цягам тыдня будуць ствараць дызайнерскія кампазіцыі з драўляных катушак і будаўнічых палетаў. Арт-пленэр будзе ладзіцца з 1 па 9 ліпеня.
Міністэрства па падатках і зборах Беларусі папрасіла індывідуальных прадпрымальнікаў – плацельшчыкаў адзінага падатку – загадзя паклапаціцца аб своечасовай выплаце адзінага падатку за ліпень 2016 года ў сувязі c дэнамінацыяй.
Арганізатары Сёмага фестывалю беларускамоўнай рэкламы і камунікацыі aDNaK!, цырымонія ўзнагароджання якога адбудзецца 30 чэрвеня ў Мінску, запускаюць “апошні вагон” падачы работ. Яшчэ ёсць шанец стаць удзельнікам aDNaK!, бо дэдлайн прыёму работ працягнуты да 16 чэрвеня (уключна). Калі вы яшчэ вагаецеся ці не паспяваеце, прыводзім 5 прычын, чаму трэба ўзяць удзел у Фестывалі.
Першую ў Гродне арт-лаву з бясплатным Wi-Fi усталявалі ў АЛМІ па вуліцы Касманаўтаў. Яна выканана ў форме гіганцкай прышчэпкі і лагатыпа Альфа-Банка. Убудаваны Wi-Fi-рутэр раздае бясплатны інтэрнэт у радыусе 150 метраў. Падлучыцца можа любы карыстальнік – быць кліентам банка для гэтага неабавязкова.
