Сёння адбылася грамадзянская паніхіда развітання з А.С.Патупам, які раптоўна 1 чэрвеня ва ўзросце 64 гадоў пайшоў з жыцця…
Аляксандр Патупа – вядомы пісьменнік, журналіст, навуковец-фізік, эканаміст, публіцыст, філосаф.
Заўтра, 4 чэрвеня, Гродна наведаюць паслы замежных дзяржаў, акрэдытаваныя ў Літоўскай Рэспубліцы. Мэта візіту – знаёмства з турыстычным патэнцыялам Прынёмання.
Выйшла з друку 2-я частка кнігі Сяргея Шапрана «Васіль Быкаў. Гісторыя жыцця ў дакументах, публікацыях, лістах».
Адразу 40 мытнікаў пабягуць заўтра па кросавай трасе ў лясным масіве каля Новага маста: пачнецца першынство мытных органаў Беларусі па лёгкаатлетычным кросе.
Не менш, чым $1,5 млн. патрабуецца на аднаўленне падмурка і сценаў францысканскага кляштара ў Гальшанах. Будынак XVII стагоддзя знаходзіцца ў аварыйным стане. Нядаўна па гэтай прычыне з яго выехаў філіял Нацыянальнага музея мастацтваў, які размяшчаўся тут з 1983 года.
Ці можна вышыць… ікону? Майстар Галіна Курносава дакладна ведае адказ на гэтае пытанне – так! І прапануе каля 30 сваіх ікон на выставе ў абласной бібліятэцы імя Карскага.
Камітэт дзяржкантролю Гродзенскай вобласці пасля правядзення праверкі эфектыўнасці выкарыстання дзяржаўнай маёмасці рэкамендуе ўладам вобласці актыўней выкарыстоўваць у гаспадарчым абароце былыя вайсковыя гарадкі. А іх на тэрыторыі вобласці 850!
Віктарыну для замежнікаў ладзіць Міністэрства замежных спраў Літвы да тысячагоддзя краіны.
Трох злодзеяў-гастралёраў, якія рабавалі салоны машын, затрымалі ў Шчучыне.
Сёння ў выставачнай зале на вуліцы Ажэшкі адкрыецца выстава гарадскога фотаклуба “Гродна”.
