Дзве савецкія вышкі-глушылкі ў Панямуні, якія раней выкарыстоўваліся для стварэння памех, каб глушыць сігнал заходніх радыёстанцый, дэмантоўвалі 27 ліпеня. Аднак, у час прац нешта пайшло не так і адна з вежаў упала, праламіла плот ды перагарадзіла праезжую частку. Вежа ўпала літаральна ў некалькіх метрах ад машын. Ніхто не пацярпеў, на месца выехалі ратавальнікі.
Грамадскае аб’яднанне веласіпедыстаў “ВелоГродно” накіравала ў ДАІ ліст, у якім выклала сваю пазіцыю ў дачыненні да прапанаванай забароны руху веласіпедыстаў па адным з бакоў Старога моста.
Па ініцыятыве “Клуба заўзятараў” футбольны клуб “Нёман” 27 ліпеня правядзе адкрытую сустрэчу, на якой кожны зможа задаць гарадзенскай камандзе любыя пытанні.
Каманда дыякана Пакроўскага собора Дзмітрыя Паўлюкевіча 26 лiпеня даведалася, што стала фіналастам відэа-конкурса па чытанні беларускай паэзіі. Неўзабаве святары атрымаюць узнагароды.
У Гродне 26 ліпеня з візітам прыехала дырэктар адной са школ горада Сакрамэнта Ларыса Ганчар. Амерыканка беларускага паходжання ў першы дзень камандзіроўкі сустрэлася са старшынёй Гродзенскага гарвыканкама Мечыславам Гоем і абмеркавала з мясцовымі настаўнікамі супрацоўніцтва ў сферы адукацыі.
Напярэдадні старту новага сезону хакейны “Нёман” правёў сустрэчу са сваімі заўзятарамі. У нефармальнай абстаноўцы 26 ліпеня кіраўніцтва клуба распавяло пра планы каманды на сезон, а таксама пазнаёміла заўзятараў з навабранцамі. На сустрэчы прысутнічаў і дырэктар Лядовага палаца, які расказаў пра новаўвядзеннi ў гэтым годзе.
Алег Ардатаў – вучоны з Вільні з гарадзенскімі каранямі, які набірае папулярнасць у гумарыстычным жанры. Сёлета ён выступаў на Фестывалі нацыянальных культур у Гродне ў папулярным жанры “стэндап”. Таксама нядаўна выйшла яго гумарыстычная кніга “Мой дневник”. Алег расказаў, як нараджаюцца стэндапы, як працаваць біямеханікам і за што можна любіць Гродна.
У сваё прафесійнае свята, 25 ліпеня, гарадзенскія выратавальнікі зладзілі цэлы шэраг мерапрыемстваў у цэнтры горада. Спачатку 21 баец МНС прыняў прысягу вернасці радзіме, прафесіі і людзям. Іх у жаданні служыць падтрымалі не толькі калегі, але і прадстаўнікі аблвыканкама, выратавальнікі з Польшчы і Літвы, ветэраны ды святары.
Маладая жанчына за стырном аўто на мінскіх нумарах не справілася з кіраваннем і збіла ліхтар. Гэта адбылося каля 12 гадзін 26 ліпеня на вуліцы Ажэшкі, побач з аблвыканкамам. Мiнчанка патлумачыла, што ліхтар выпадкова “выбег” да яе насустрач.
За першае паўгоддзе 2016 г. колькасць зваротаў з укусамі кляшчоў у Гродзенскай вобласці ўзрасла на 42% у параўнанні з аналагічным перыядам 2015 г. і склала 3777 чалавек, у тым ліку 1235 дзяцей да 17 гадоў (у 2015 годзе – 2657 чалавек, у тым ліку 928 дзяцей). Хваробай Лайма за гэты перыяд захварэла 38 чалавек (за першае паўгоддзе 2015 г. – 30), клешчавым энцэфалітам – 10 чалавек (за першае паўгоддзе 2015 г. – 6), паведамілі ў Гродзенскім абласным цэнтры гігіены, эпідэміялогіі і грамадскага здароўя.
