Чаканага поспеху Калядны кірмаш у Цэнтры рамёстваў “Спадчына” на вуліцы Рэйманта пакуль не мае. На другі дзень працы, 24 снежня, майстры аддалі перавагу спраўджанай вуліцы Савецкай, дзе плынь людзей значна большая.
Сотні гарадзенцаў на Раство засталіся без падарунка. На запланаваным паказе 3D-мэпінгу ў цэнтры горада яны так і не дачакаліся абяцанай казкі.
Каля 30 прыхаджан прыйшлі 24 снежня ў кірху на вячэрнюю літургію з нагоды Вігіліі Божага Нараджэння.
Bulbamoviе — фестываль беларускага незалежнага кіно, які з 2011 года ладзіцца ў Варшаве. Сёлета ён упершыню завітаў у Мінск, а зараз збіраецца ў абласныя гарады. Паказы ў Гродне пройдуць 27 снежня па адресе вул. Будзёнага 48а-100 (зала ва ўнутраным дворыку). Пачатак у 14.00.
Пасля працяглай міжнароднай паўзы аднавіўся чэмпіянат Беларусі па хакеі. Гарадзенскі “Нёман” 24 снежня прымаў у сябе дома самага прынцыповага суперніка апошняга часу – мінскае “Юнацтва”. У сур’ёзнай барацьбе каманда Мілаша Голаня саступіла мінскай камандзе.
Сёлета на Каляды, 25 снежня, у небе над Гродна можна было пабачыць поўню. Супадзенне поўнага Месяца з Раством Хрыстовым з’ява даволі рэдкая. Паводле паведамлення NASA, апошні раз падобнае назіралі ў 1977 годзе, паўтарэнне адбудзецца толькі ў 2034. Да таго ж, калядная поўня бягучага, 2015 года, падпадае пад азначэнне “халоднай” – так астраномы называюць апошнюю поўню года, бо назіраюць яе ў пачатку зімы.
Гарадзенскія музыкі Алесь Дзянісаў (гурт Dzieciuki) і Дзіма “Вінс” Шчэрба (гурт “Социум”) выканалі разам з фольк-гуртом “Палац” калядную песню на верш гарадзенскага паэта Анатоля Брусевіча.
Прэзентацыя гістарычнага гарадзенскага календара ад Віктара Саяпіна адбылася 23 снежня ў Абласной навуковай бібліятэцы імя Карскага. Наведвальнікі імпрэзы маглі ўпэўніцца, што з дапамогай календара кожны дзень можна даведвацца пра цікавыя і часам нечаканыя факты з гісторыі горада. Каманда, што працавала над календаром, расказала пра гісторыю яго стварэння і далейшыя планы.
Аўтар блога “Мова Спартова” Ігар Случак падвёў фінальныя вынікі свайго рэйтынгу. Калі ў сярэдзіне лістапада футбалісты гарадзенскага “Нёмана” займалі першы радок сярод 60 спартыўных клубаў Беларусі, то пры падвядзенні агульных вынікаў, дзе разглядаліся 120 каманд, жоўта-зялёныя размясціліся на сёмым месцы.
Католікі, пратэстанты ды і значная частка праваслаўных святкуе Раство 25 снежня. У лютэран, згодна са старой традыцыяй, у зімовыя святы прынята піць саграваючы глінтвейн. Пастар лютэранскай кірхі ў Гродне Уладзімір Татарнікаў спецыяльна для “Твайго стылю” прыгатаваў гэты напой і распавёў пра яго сакрэты.
