Ноч музеяў, якую для гарадзенцаў зладзіў Музей гісторыі рэлігіі, прапанавала багатую праграму са шпацырам па горадзе і наведваннем адразу трох музеяў. Наведвальнікаў гасцінна прымалі ў турме, запрасілі пазнаёміцца з прывідамі пажарнай каланчы і пазнаёмілі з метадамі працы сярэднявечнай інквізіцыі. Разняволіцца пасля жахаў дазволіў спектакль Тэатра лялек і кава са слодычамі. Скончылася ноч канцэртам арганнай музыкі ў Фарным касцёле.
Сіноптыкі прагназуюць, што на працягу тыдня будзе воблачна з праясненнямі, тэмпература паветра падымецца да 23 градусаў цяпла ўдзень, пераважна без ападкаў. А вось на выходныя прагназуюцца дажды.
Свой першы хатні матч гарадзенскія матабалісты правялі 21 мая на традыцыйнай пляцоўцы каля “Гродна Азот”. Гульня супраць адной з наймацнейшых каманд Беларусі была цікавая, цяжкая, але несправядлівая.
Увечары 20 мая пад вокнамі бальніцы хуткай дапамогі па вул. Савецкіх пагранічнікаў было знойдзена цела 41-гадовага мужчыны. Праверку праводзіць Гродзенскі міжраённы аддзел Следчага камітэту. Асноўная версія – самазабойства, паведаміў афіцыйны прадстаўнік УСК па Гродзенскай вобласці Сяргей Шаршаневіч.
У пачатку сезону ніхто не мог падумаць, што “Гараднічанка” здолее паўтарыць леташні вынік і заняць трэцяе месца ў чэмпіянаце Беларусі. Тады ў каманды істотна змяніўся склад – трэнер і ўсе асноўныя гульцы пакінулі яе.
Гродзенскі тэатр лялек ужо ў каторы раз прыняў на сваёй сцэне прамяністую Ганну Хітрык і гурт S°unduk. 21 мая яны прывезлі ў Гродна свой новы альбом “Сом”, над якім музыкі працавалі цэлых тры гады. Альбом складаецца з 16 кампазіцый, падзеленых на два дыскі па 8 песень: палова на рускай мове і палова на беларускай.
Мы разрэзалі здымак на 40 кавалкаў. Збяры пазл правільна, перасоўваючы часткі мышкай ці тачпадам.
З нагоды Міжнароднага дня музеяў увечары 20 мая дзверы Новага замку заставаліся адкрытымі да позніх гадзін. Гасцей чакала праграма “Сны ў майскую ноч”, натхненнем для якой быў стыль сюррэалізму і яго вялікі прадстаўнік Сальвадор Далі.
У пятніцу вечарам гарадзенцы маглі назіраць Велікодны хросны ход на аўтамабілях, у гонар 71-й гадавіны Перамогі ў Вялікай Айчыннай вайне. На мерапрыемстве прысутнічалі казакі, якія забаранялі неправаслаўным знаходзіцца ля сабора.
У парку Жылібера 20 мая прайшло свята прымеркаванае да Міжнароднага дня сям’і. Другі год запар у гэтае свята ў Гродне ладзяць парад дзіцячых вазкоў.
