За апошні год, цягам якога незвычайны камандны спорт бампербол існуе ў Гродне, ён паспеў займець сваіх прыхільнікаў. Арганізатары да пачатку новага гульнявога сезону знялі адмысловае відэа, а ў канцы лета плануюць правесці вялікі турнір для каманд з усёй краіны.
Дзеці, што наведаюць АРТ-Пікнік ў “Велесе” 19 чэрвеня, змогуць пабудаваць уласны “Кардонны горад”. Арганізатарам творчай “будаўнічай пляцоўкі” выступіла Дзіцячая экастудыя, а пастаўшчыком “будматэрыялаў” стала кампанія “ЛайтПакСервис”, што прадукуе ўпакоўку з гафрыраванага кардона. Летась “Кардонны Гродна” паўстаў у дзень горада каля тэатра лялек. Але арганізатары сёлетняй імпрэзы абяцаюць зрабіць новы горад з кардону яшчэ больш крэатыўным і інтэрактыўным.
Адкрыццё гіпермаркета “Евроопт” у гандлёвым цэнтры Old City адбудзецца 16 чэрвеня ў 16.00. Арганізатары абяцаюць шырокую забаўляльную праграму, канцэрт і дэгустацыі. Таксама стала вядома, што новыя крама будзе працаваць ва ўмовах “лінгвістычнага эксперыменту”. Уся пісьмовая камунікацыя, а таксама назвы аддзелаў, тавараў, акцый і г.д. тут будуць беларускамоўнымі.
У гарадзенскім Тэатры лялек рыхтуюцца да прэм’еры чэхаўскай “Чайкі”. Камедыі, прыняць якую ад часу яе стварэння зусім не проста. Чаму п’еса, напоўненая болем і непаразуменнямі, названа камедыяй – большасці тагачасных гледачоў было не зразумела. Ды і для сённяшніх аматараў тэатра гэта не заўжды празрыста. Адказы на дылетантскае пытанне “Дзе смяяцца?” шукаем у асяродку адмыслоўцаў.
Дзеці, якія мелі быць у школьным летніку, хадзілі па парэнчах мосту ў парку Жылібера. Іх заўважылі 14 чэрвеня ў першай палове дня. Хлопцы патлумачылі, што выхавацелі адпусцілі іх пагуляць у горадзе пры ўмове, што яны вернуцца да абеду.
Вялікае графіці на вуліцы Панямуньскай па замове “Гроднарайаграсэрвіс” зрабіў мастак, вядомы пад нікам “Хайзэнберг”. Ён распавёў “Твайм стылю”, як яго завуць насамрэч, дзе яшчэ можна пабачыць яго працы і як, на яго думку, можна перавыхаваць тых, хто псуе сцены прымітыўнымі надпісамі.
Гарадзенскі Лядовы палац ужо пачаў рэалізацыю сезонных абанементаў на гульні з удзелам “Нёмана” ў сезоне 2016/17 гадоў. Каб стымуляваць рэалізацыю абанементаў i прыцягнуць аматараў хакея, кіраўніцтва Лядовага разыграе сярод уладальнікаў абанементаў і квіткоў на ўсе матчы сезону аўтамабіль “Лада-Веста” коштам 161 млн рублёў.
Вуліцы патрулююць вайскоўцы, увечары забаронена шпацыраваць без дакументаў, а на ўездзе ў райцэнтр стаяць блокпасты, на якіх пільна даглядаюць кожнае аўто. Гэта — не панарама “гарачай кропкі”, гэта — Беларусь у мірны час. У мястэчку Вялікая Бераставіца ў панядзелак пачаліся вучэнні па адпрацоўцы тактыкі антыпартызанскай вайны.
Сёлета адбудзецца другі мастацкі пленэр “Арт-салат-2016”, падчас якога ў вёсцы Салацце мастакі і дызайнеры цягам тыдня будуць ствараць дызайнерскія кампазіцыі з драўляных катушак і будаўнічых палетаў. Арт-пленэр будзе ладзіцца з 1 па 9 ліпеня.
Праз любоў да экстрыму стаў інвалідам, але не страціў любоў да жыцця.
