На веламарафоне “Суседзі-2016”, які прайшоў 16 ліпеня на Аўгустоўскім канале, гучала музыка з падборкі гарадзенскага дыджэя Аліка Хамяка. Ён карыстаецца роварам у штодзённым жыцці, але мяркуе, што на выбар арганізатараў паўплывала не гэта, а яго музыка. Разам з дыджэям-раварыстам мы паразважалі пра музычныя фішкі марафона, ровары ў горадзе і нават пра надвор’е.
З 10 па 12 ліпеня ў Мінску адбыўся першы адбор кандыдатаў для ўдзелу ў міжнародным конкурсе прыгажосці The Best Model of Europe – 2016. Сярод больш чым ста прэтэндэнтаў на конкурс, які пройдзе ў верасні ў Іспаніі, адабралі двух прадстаўнікоў Гарадзеншчыны – студэнтку Яну Трушко і фотамадэль Сямёна Ларына.
Гарадзенскі краязнаўца і калекцыянер Януш Парулiс вымушаны ўсю пенсію аддаваць на арэнду дома, дзе ён жыве і дзе знаходзіцца яго музей. Толькі так ён можа выратаваць сваю ўнікальную калекцыю. Але пенсіі не заўсёды хапае, таму некаторыя каштоўныя экспанаты ён вымушаны прадаваць, а іншым разам наогул браць пазыкі.
Дзень 16 ліпеня застанецца ў гісторыі Гродна назаўсёды. 72 гады таму Савецкая Армія выбіла з Гродна фашыстаў, але заплаціла за поспех вялікую цану. Тысячы салдат засталіся ў брацкіх і індывідуальных магілах, многія зніклі без вестак, патануўшы ў Нёмане або загінуўшы пад гусеніцамі нямецкіх танкаў. Сёння пра “гарачы ліпень” 1944 года вядома шмат, апублікаваны ўспаміны, артыкулы і кнігі, але цьмяных старонак хапае. Адна з іх – выкарыстанне бронетэхнікі – танкаў, самаходных гармат ды браневікоў.
Спаборніцтвы па канкуру, прымеркаваныя да дня вызвалення Гродна, прайшлі ў маёнтку “Каробчыцы” 16 і 17 ліпеня. На манеж выйшла больш за 30 вершнікаў. Удзельнікамі спаборніцтваў сталі навучэнцы дзіцяча-юнацкай конна-спартыўнай школы “Прагрэс Верцялішкі” і клуба “Амадэус”.
Пажар царквы ў вёсцы Некрашы Гродзенскага раёна адбыўся 17 ліпеня, каля 17.20, паведамілі ў прэс-службе абласнога ўпраўлення МНС.
Веламарафон “Суседзі-2016”, што праходзіў 16 ліпеня, сабраў аматараў ровара не толькі дзеля спартыўных вынікаў. Многія прыязджалі сюды не першы раз, з сем’ямі, каб пабавіць час на прыродзе і сустрэцца з сябрамі-раварыстамі. Сёлетні марафон прапанаваў праверыць не толькі свае сілы на дыстанцыі, але і ўдачу. Пасля сканчэння марафона сярод удзельнікаў правялі латарэю, дзе галоўным прызам быў ровар. А музыка гучала над Аўгустоўскім каналам цэлы дзень.
Выхаванец гарадзенскага футбола, а сёння гулец ФК “Слуцк” Сяргей Лявіцкі зняўся для праграмы “Футбол – не сахар”, дзе правёў экскурсію па Гродне, распавёў, чаму яго называюць “Дзед”, а таксама ўзгадаў, як на родным стадыёне рабіў прапанову сваёй дзяўчыне.
Другі вечар з цыклу “Нядзеля ля Палаца” прайшоў 17 ліпеня на Савецкай плошчы ў Гродне. На прыступках Палаца культуры Тэкстыльшчыкаў выступіў мінскі квартэт, які грае на канцэртах J:морс. У ход пайшлі габой, скрыпка, альт і кантрабас. Таксама выступіла дыпламантка міжнародных конкурсаў, вакалістка Марына Гаравая.
Пасля дажджу часта можна ўбачыць вясёлку. Калі сёння вы яе не сустрэлі – збярыце пазл з гарадзенскім небам пасля дажджу і падзівіцеся.
