У гіпермаркеце Bi1, які летась замяніў папулярны ў гарадзенцаў Real у гандлёвым цэнтры Atrium Biała, ужо дастаткова даўно ёсць інфармацыйныя надпісы на беларускай мове. Яны з’явіліся яшчэ пры папярэднім уласніку крамы. Цяпер жа ў продажы з’явіліся кашулькі „I love Belarus”, якія вісяць побач з падобнымі з надпісам „I love Polska”.
Чым бліжэй Дзень Перамогі, тым часцей на машынах гарадзенцаў можна пабачыць адмысловыя налепкі, якімі ўласнікі аўто хочуць паказаць сваю ўдзячнасць ветэранам. “Твой стыль” пагутарыў з вытворцамі такіх налепак і даведаўся, хто і для чаго пераважнае іх набывае. Таксама мы спыталіся ў гарадзенцаў, што яны думаюць пра налепкі “На Берлін” і “Трафейная” на Opel ці BMW.
Відэападручнік пра тое, як пабудаваць горад сваёй мары, зноў на TUT.BY. Сотня ідэалістаў, якія мараць памяняць асяроддзе пражывання, скарацілася да 17 абраных. У новай серыі даведаецеся, якія яшчэ праекты прэтэндуюць на прызавы фонд, убачыце , як прайшла андэграўндная вечарына ў цэнтры Мінска, прэзентацыя самага эпатажнага ўдзельніка і пачуеце думкі герояў адзін пра аднаго. Усё гэта ў трэцім дзённіку шоў “Горад”, дзе звычайныя беларусы змяняюць свет да лепшага для сябе і для вас.
Цёплае надвор’е трымаецца ўсяго некалькі дзён, а гарадзенцы ўжо накіроўваюцца ў бок вадаёмаў. На цэнтральным пляжы некалькі чалавек адкрылі купальны сезон ужо 7 мая.
У Моладзевым цэнтры “Галактыка” 6 мая прайшоў урачысты абед, прысвечаны 71-годдзю перамогі над нямецка-фашысцкімі захопнікамі. На сустрэчу былі запрошаны ўдзельнікі баявых дзеянняў і вязні канцлагераў.
У шостым туры жоўта-зялёныя завіталі ў госці да “Белшыны”, якая, як і “Нёман”, няважна пачала сезон, але знаходзілася вышэй у турнірнай табліцы. Каманды паказалі баявы матч з мноствам фалоў і нападаў, якія не заўсёды ўдала завяршаліся. Забіўшы па галу, у выніку каманды разышліся мірам.
У суботу, 7 мая, з 8.00 на Старым мосце пачалі ўтварацца заторы. Супрацоўнікі ДАІ, хуткая дапамога і групка моладзі назірала за тым, як хлопец скокаў з маста. Як высветлілася, так у Гродне здымалі экстрэмальны фільм.
У пятніцу, 6 мая, прайшоў першы фінальны матч паміж “Гродна-93” і мінскімі “Цмокамі”. У напружанай барацьбе дружына Андрэя Васiлеўкі не выстаяла перад мінскай камандай і прайграла на сваёй пляцоўцы.
Да 25 траўня працягваецца набор удзельнікаў на мультымедыйную адукацыйную праграму «МедыяСтудыя-2016». На працягу некалькіх тыдняў удзельнікаў курсаў чакае знаёмства з асновамі фотажурналістыкі, здымкі і мантажу відэа, інфаграфікі і візуалізацыі дадзеных. Прафесійныя трэнеры, невысокія кошты, невялікія групы і сяброўская атмасфера на занятках – усё гэта вы знойдзеце на занятках.
Выпускнік ГрДУ, стваральнік аднаго з самых папулярных апошнім часам прыкладанняў для смартфонаў MSQRD, а з нядаўняга часу супрацоўнік Facebook Яўген Неўгень 6 мая ў сценах роднай ВНУ сустрэўся са студэнтамі.
