Жыхары Гарадзеншчыны, як і ўсе астатнія беларусы, змогуць прыняць удзел у маштабнай бегавой ініцыятыве “Эстафета дапамогі”, якая пройдзе ў першыя дні Алімпіяды. Кожны жадаючы 5 і 6 жніўня зможа прабегчы са смартфонам у любой частцы свету, а кампанія velcom перавядзе кіламетры ў рублі і накіруе ў дапамогу дзецям з фізічнымі парушэннямі.
Фатаграфіі з качкамі ў двары даслаў autogrodno.by пастаянны чытач Павел. “Вось, дзе нашы падаткі за дарогі. Праспект Касманаўтаў, 39, у Гродне”, – напісаў гродзенец.
Гарадзенец Леанід вельмі шмат перасоўваецца на ровары. Яго захапленне падзяляе ўся сям’я: жонка Кацярына, трохгадовы сын Даніла, які марыць перамагаць на веламарафонах, і 11-месячная Маргарыта, якая пакуль ездзіць у велакрэсле за спіной у таты. І нягледзячы на тое, што інфраструктура ў нашым горадзе пакідае жадаць лепшага, маладая сям’я часта ездзіць на велапрагулкі. Як гэта, круціць педалі ўсёй сям’ёй, распавялі “Гродзенскаму зялёнаму парталу” Леанід і Кацярына.
У ноч на 10 ліпеня, падчас перамяшчэння, корпус рэактара для БелАЭС праслізнуў па кроквах і суткнуўся з зямлёй. Гэта адбылося з-за парушэнняў інструкцыі па страпоўцы грузаў, якія дапусцілі будаўнікі. Няштатная сітуацыя не пашкодзіла корпус. Пры гэтым “Расатам” гатовы замяніць яго, калі гэтага запатрабуе беларускі заказчык, заявіў 1 жніўня першы намеснік дырэктара дзяржкарпарацыі “Расатам” Аляксандр Лакшын.
Увечары 26 ліпеня ў адной з крамаў Гродна пры пераразліку выручкі работнікі заўважылі купюру 20 рублёў з прыкметамі падробкі. Яе вырабілі ў бытавых умовах з дапамогай капіравальнай тэхнікі, паведамілі ва Упраўленні следчага камітэта па Гродзенскай вобласці.
Чацвёрты вечар “Нядзеля ля Палаца”, які прайшоў 31 ліпеня, парадаваў гарадзенцаў шматлікімі гатункамі харэаграфічнага мастацтва. Дзевяць танцавальных калектываў і DJ Eli тры гадзіны не давалі гараджанам сумаваць.
Летняя Школа рускай мовы працуе ва ўніверсітэце імя Янкі Купалы з 1 жніўня. Сёлета ў Гродне знаёміцца з культурай Беларусі і вывучаць рускую мову прыехала 30 удзельнікаў з 13 краін свету.
Гарадзенскія “Варвары” 30 ліпеня прайгралі ў Мінску мясцовым “Паганцам” і ўскладнілі сабе шанцы на выхад у фінальную стадыю.
Каля 300 чалавек прыняло ўдзел у парадзе ваенных маракоў, што прайшоў у цэнтры Гродна 31 ліпеня. У гэты дзень матросы, мічманы і афіцэры розных узростаў адзначаюць сваё прафесійнае свята – Дзень ваенна-марскога флоту.
Халодныя напоі выдатна дапаўняюць спякотнае надвор’е, яркія колеры і духмяныя водары лета. У гарадзенскіх кавярнях ёсць мноства адпаведных надвор’ю і настрою “ледзяных” прапановаў на любы густ і гаманец.
