Удзел у імпрэзе пад лозунгам “Мы з вамі!” возьмуць увечары 9 лютага дзеячы культуры, палітыкі, студэнты, журналісты, а таксама іншыя неабыякавыя да падзеяў у Украіне жыхары Беластока, госці з Украіны.
Мужчына добраахвотна прынес у міліцыю дзясятак штык-нажоў, афіцэрскі корцік, вінтоўку Мосіна, пісталет, патроны і порах.
Прэзентацыя новай праграмы “Верное сердце” прайшла ў драмтэатры 6 і 7 лютага. Сайт музея гісторыі ГрДУ паведамляе, што канцэрты адбыліся ў межах акцыі “Гродна – культурная сталіца Беларусі”.
Валянцін Таўлай – прадстаўнік той плыні заходнебеларускай міжваеннай інтэлігенцыі, якая не бачыла мастацтва па-за рэвалюцыяй, а рэвалюцыю – па-за мастацтвам. Сёння паэту споўнілася б 100 год.
Гарадзенскі гісторык Іна Соркіна 6 лютага правяла першыя ў гэтым годзе гарадзенскія “Сустрэчы на Крызе”. Лекцыя-размова была прысвечана беларускаму Адраджэнню і 130-годдзю з дня нараджэння выдатнага беларускага палітыка Антона Луцкевіча, бацькі беларускага Адарджэння.
Візіт у Гродна лідара Аб’яднанай грамадзянскай партыі Анатоля Лябедзькі гэта не толькі прэзентацыя “турэмнага дзённіка”. Гэтаксама, разам з партыйцамі лідар збіраў подпісы за адмену аўтапошлiны і раздаваў незалежны бюлетэнь “Голас розуму”.
Cвята пад назвай “Провады зімы” традыцыйна разгорнецца ў Пышках.
Выстава “Гараджанкі” – частка вялікага праекта “Жыхары Гродна” – адкрылася 7 лютага ў галерэі “У Майстра”. Яе аўтар – вядомы гарадзенскі фатограф Наталля Дораш.
Падазраванага ў серыі крадзяжоў праваахоўнікі затрымалі практычна на месцы злачынства: той выходзіў з пад’езда пасля чарговага крадзяжу ў Лідзе.
Ад 7 лютага сістэма вяртання падатку на дадатковую вартасць для замежнікаў запрацавала ў Гандлёвым доме “Нёман”. Пра магчымасць аформіць адмысловы чэк на вяртанне ПДВ, пакупнікоў інфармуюць налепкі на ўваходных групах і ля кас аддзелаў.
