У вёсцы Грабнікі ля Навагрудка працягваецца будаўніцтва ветрапарка, паведамілі ў “Гроднаэнерга”. Фундаменты першага з ветракоў, парадкавы №2, залілі 3 верасня. А 15 верасня цягам 12 гадзін няспынна бетанавалі фундамент пад вятрак №6.
Электрасірэны некалькі разоў спрацавалі на вуліцах Гродна 16 верасня. На шчасце, гэта была ўсяго планавая праверка сітэмы. Карэспандэнт “Твайго стылю” запытаўся ў мінакоў, ці ведаюць яны, што рабіць, калі пачуеш сірэну, і дзе ў горадзе шукаць дапамогі.
Візавыя цэнтры па ўсёй краіне спынілі прыём дакументаў ад кліентаў і часова прыпынілі працу. Прычына – у новых правілах правядзення валютных аперацый, прынятых Нацбанкам. Гэты дакумент сёння ўступіў у сілу. Сярод іншага ён забараняе пасярэднікам браць з кліентаў консульскі збор у еўра або ў доларах, як гэта было раней. Усе разлікі – толькі ў беларускіх рублях, піша TUT.BY.
Другі фестываль настольных гульняў “Игрокуб” пройдзе ў Гродне 24 і 25 кастрычніка. Наведнікаў зноў чакаюць два дні бясплатных гульнятэк, а арганізатары абяцаюць парадаваць прыемнымі сюрпрызамі.
На гарадзішчы XVI — XVII стст., якое ў 2013 годзе стала археалагічнай сенсацыяй, працягваюцца працы.
Прабег, на якім чакаецца каля 500 раварыстаў, пройдзе ў Гродне 20 верасня.
Рашэнне прыпыніць кансервацыю смеццеправодаў прынялі на працоўнай нарадзе ў гарвыканкаме. Старшыня выканаўчага камітэта Мечыслаў Гой загадаў спыніць гэтыя працы, пакуль у горадзе не будуць створаны нармальныя ўмовы для раздзельнага збору смецця.
ААТ “Лідскае піва” запусціла новы піваварны цэх, абсталяваны па найноўшых тэхналогіях. Яго рэканструкцыя вялася ў два этапы: было цалкам мадэрнізавана аддзяленне водападрыхтоўкі, з нуля пабудавана варніца.
У хуткім часе ў горадзе адкрыецца новая кавярня “Кава Саўнд”, дзе акрамя смачнай кавы наведнік атрымае таксама прадказанне на донцы кубачка.
Нягледзячы на праблемы з памяшканнем, адкрыццё курсаў адбылося! Арганізатары парадавалі асобнымі заняткамі для дзетак і выступам гурта Shuma.
