У Гродне, 28 верасня, двухгадовае дзіця праглынула сем батарэек, якія яго маці збірала для ўтылізацыі і захоўвала у шафе. Медыкам без наркозу ўдалося выняць шэсць батарэек, сёмая засталася ў кішэчніку і павінна будзе выйсці сама, паведаміла “Радыё Гродна”.
26 верасня ў Прэс-клубе прайшла прэзентацыя Парку мініяцюр замкаў Вялікага Княства Літоўскага. Кіраўнік фонду «Краіна замкаў» Алесь Варыкіш падзяліўся планамі развіцця ідэі і перспектывамі праекта, піша TUT.BY.
З 1 лістапада змяняецца парадак работы гарадскога траўмапункта. Як распавёў grodnonews.by начальнік упраўлення аховы здароўя аблвыканкама Андрэй Стрыжак, цяпер сюды звяртаюцца траўміраваныя пацыенты як на першасны, так і на наступны прыёмы. Новаўвядзенне прадугледжвае, што траўмапункт будзе аказваць экстранную дапамогу на пачатковым этапе.
Гарадзенскія гандляры кажуць, што пераважная большасць з іх, далей працуючы, парушае ўказ № 222, і ўлады ведаюць пра гэта. Рэпартаж Свабоды з рынку «Цэнтральны» ў Гродне.
Гарадзенцаў і гасцей горада з 28 верасня запрашаюць у падарожжа па гукавых дарожках рарытэтных грампласцінак з фонду аддзела мастацтваў бібліятэкі імя Карскага і калекцыі гарадзенскага калекцыянера Аляксандра Сявенкі.
Трох жыхароў Гродна, якія мелі пры сабе гашыш, затрымалі на скрыжаванні вуліцы Каліноўскага і праспекта Будаўнікоў увечары, 28 верасня. Затрыманне меркаваных злачынцаў супрацоўнікі міліцыі праводзiлi наўпрост на дарозе.
Гарадзенец спагнаў злосць за кепскую вучобу стральбой па вокнах школы. Такую інфармацыю распаўсюдзіў у рэгіянальных СМІ афіцыйны прадстаўнік упраўлення Следчага камітэта па Гродзенскай вобласці Сяргей Шаршаневіч, піша БелТА.
У Гродне, 28 верасня, каля 14.20 на лецішчах каля “Азота” прарвала асноўны трубапровад. Вада моцным напорам хлынула ўверх зносячы ўсе перашкоды. Фантан ад прарыву трубы быў бачны з вокнаў шматпавярховак у цэнтры Гродна.
У бліжэйшую суботу, 1 кастрычніка, па ўсёй Беларусі пройдуць валанцёрскія прыборкі смецця ў межах сусветнай кампаніі “Зробім”. Напярэдадні акцыі каардынатары мерапрыемства па Гарадзенскай вобласці расказалі “Твайму стылю”, калі і чаму вырашылі стаць валанцёрамі, з якімі цяжкасцямі даводзіцца сутыкацца і, галоўнае, – ці маюць такія акцыі вынік.
Шмат гадоў жыхары вуліцы Васілька распавядаюць гарадзенцам легенды, нібыта калісьці ў доме №14 жылі цэлыя пакаленні лесарубаў і цесляроў. Менавіта пасля тых рабацяг на доме і мелі застацца вісець інструменты, якія сімвалізуюць іх працу. Але пра якіх рабочых ідзе гаворка, ніхто з жыхароў вулiцы сказаць дакладна не можа.
