Заўтра, 24 чэрвеня, побач з кінатэатрам «Гродна» дактары Гродзенскай абласной санэпідстанцыі арганізуюць прыём-кансультацыі для гараджан. Кансультаваць будуць тэрапеўт, эндакрынолаг, дэрматавенеролаг і педыятр з 15.00 да 18.00.
Каталіцкая супольнасць Гродна пройдзе па цэнтральных вуліцах ў эўхарыстычнай працэсіі з нагоды ўрачыстасці Божага Цела: ад Францішканскага да Бернардзінскага і Катэдральнага касцёлаў, дзе будуць прачытаны фрагменты Евангелля на польскай, беларускай, літоўскай і рускай мовах.
(Абноўлена) Сёння ў судзе Ленінскага раёну Гродна працягваецца працэс над журналістам «Газеты выборчай» Андрэем Пачобутам. Судздзя – Віталь Лецка. Працэс закрыты.
Уладальнікамі тытула «Дзіця новага пакалення» і дыплома пераможцы першага цыклу тэлевіктарыны «Дзеці новага пакалення» на тэлеканале «Лад» сярод шасцікласнікаў стаў вучань Гродзенскай гарадской гімназіі Міхаіл Жураўлёў, сярод сямікласнікаў – вучаніца гімназіі № 1 горада Ліды Марына Карнійчук.
СТАА «БелГрынлайн» прыступіла да рэалізацыі інвестпраекта ў свабоднай эканамічнай зоне «Гроднаінвест». Тут плануецца выпускаць вільготныя сурвэткі для аргтэхнікі, аўтамабіляў, у перспектыве – касметычныя сурвэткі і падобныя вырабы для медыцынскіх мэтаў.
У пункце пропуску «Каменны Лог» на беларуска-літоўскай мяжы, што ў Смаргонскім раёне Гродзенскай вобласці, пагранічнікі сумесна з супрацоўнікам мытні ў паўпрычэпе «Вольва» знайшлі схаваны тавар. Іншамарка ўязджала ў Беларусь з Літвы.
Пракуратура Гродзенскай вобласці выявіла, што ў Слонімскім раёне загадчыкі фермамі ў вёсках Дзераўная, Львоўшчына і Харашэвічы для ўтойвання фактаў смерці жывёлаў складалі фіктыўныя акты аб рэалізацыі іх насельніцтву.
Цэнтр экалагічных рашэнняў выпусціў дзве новыя кампутарныя гульні для школьнікаў. Сутнасць адной з іх – перамагчы СО2-нсера (Цэ-О-двансера); другога – на правах мэра забяспечыць горад электраэнергіяй, не забываючы паклапаціцца аб навакольным асяроддзі.
22-га чэрвеня на «маўклівы шпацыр» на галоўнай плошчы Гродна выйшла больш за 400 чалавек. Мясцовыя ўлады, як і тыдзень назад, у той жа час зладзілі на плошчы канцэрт: «законапаслухмяная» моладзь трымала чырвона-зялёныя сцягі…
Затрыманых мітынгоўцаў на памежным пераходзе “Брузгі” ўнеслі ў базу дадзеных невыязных.
