25 жніўня распачне працу трэці па ліку кірмаш народных тавараў “Ганненскі кірмаш”, дзе акрамя традыцыйнага гандлю, культурнай і забаўляльнай праграмы плануецца правесці кірмаш прадпрымальніцкіх і сацыяльных праектаў.
Храмы, манастыры і сястрынствы Навагрудскай і Мінскай епархій возьмуць удзел у фестывалі праваслаўнай культуры “Кладзезь”, які пройдзе ў Дзятлаве. Фестываль прымеркаваны да 20-годдзя Навагрудскай епархіі і пройдзе з 1 па 5 жніўня.
У некаторых дамах мікрараёну Дзевятоўка (на вуліцах Дзяржынскага і Белыя Росы) у паштовыя скрынкі жыхароў кінуты паперкі дзіўнага зместу.
Загадкавы выпадак адбыўся ў самым цэнтры Іўя. Раніцай гаспадары дома па вуліцы Чкалава выявілі, што нехта знішчыў на іх двары дванаццаць курэй разам з пеўнем – усё птушынае пагалоўе.
Пад час рэканструкцыі баёў вайны 1812 года ў Гродне перамогу атрымалі гарадзенскія ўланы. Рэканструкцыя баёў адбывалася на Кургане Славы.
Больш чым 200 рабочых ААТ «Гродна Азот» адмовіліся падпісваць афіцыйнае папярэджанне адміністрацыі прадпрыемства аб змяненні ва ўмовах працы і звярнуліся ў Беларускі незалежны прафсаюз з просьбай разабрацца ў сітуацыі, паведаміў намеснік старшыні Беларускага кангрэса дэмакратычных прафсаюзаў Сяргей Антусевіч.
Жыхар Малой Бераставіцы ўзяў ды абрэзаў сваім суседзям па дому святло ў падвале. Чымсьці яму муляло гэтае святло. Суседзям, натуральна, такія дзеянні не спадабаліся, і яны паспрабавалі аднавіць статус-кво. У выніку на «электрыка» быў складзены пратакол аб адміністрацыйным правапарушэнні, і справу накіравалі ў суд.
Хіба што адзіны сучасны беларускі апазіцыйны палітык, які прадстаўлены ў філатэліі, – гэта гарадзенец Аляксандар Мілінкевіч. Аказваецца, Гвінея яшчэ ў 2007 г. надрукавала наклад марак з выявамі экс-кандыдата ў прэзідэнты Беларусі.
21-га ліпеня на месцы былога аэрапорта, што месціцца побач з возерам Юбілейнае, аўтааматары прывезлі некалькі сотняў аўтамабіляў на ІІІ аўтамабільны фестываль SunDay AutoGrodno.by 2012. Сярод самых цікавых аўто можна адзначыць асобнікі, якія з’явіліся ў 30-я гады 20 стагоддзя.
Штогадовая Экуменічная Пешая Пілігрымка Беласток – Гродна – Вільня адбудзецца ўжо 20 раз і пройдзе ў перыяд з 16 па 26 жніўня. У Гродна вернікі прыйдуць на трэці дзень пілігрымкі.
