Супрацоўнікамі ДАІ Шчучынскага раённага аддзела міліцыі на трасе М6 канфіскавана буйная партыя ноўтбукаў у 52-гадовага жыхара Гродна. Жыхар абласнога цэнтра перавозіў дарагую тэхніку ў багажніку ўласнага аўто.
На наступны дзень пасля адзначэння сваіх 53 гадоў Віктар Шалкевіч прыехаў у Мінск, каб даць вялікі двухгадзінны канцэрт са старымі хітамі, прэм’ерамі, а таксама новымі апавяданнямі ды анекдотамі. Канцэрт адбыўся ў ДК глухіх. Кіраўнікі іншых канцэртных пляцовак барда прымаць адмовіліся.
Упраўленне унутраных спраў Гарадзенскага аблвыканкама прызнала, што ў размяшчэнні ў аўтамабілі налепак з выявай “Пагоні” адсутнічае факт парушэння.
У нядзелю 19 лютага на тэрыторыі вайсковай часткі на вуліцы Белуша адбудуцца аўтамабільныя спаборніцтвы “Гарачы Снег 2012”, паўдзельнічаць у якіх можа кожны жадаючы. Спаборніцтвы адбудуцца ў дзвюх катэгорыях: легкавыя аўтамабілі і аўто з поўным прывадам.
Гродзенец Аляксандр Яршоў рыхтуе да выдання ўспаміны свайго бацькі: «Знайшоў дома два сшыткі, аказалася, што адзін з іх – гэта ўспаміны бацькі пра тое, як ён партызаніў на Віцебшчыне».
«Да лета гэтага году палітвязні будуць выпушчаныя», – мяркуе кіраўнік гарадзенскага аддзялення праваабарончага цэнтру «Вясна» Віктар Сазонаў. А таксама тлумачыць, чаму апазіцыя ўжо не можа паўплываць на сітуацыю з вязнямі сумлення, хоць тэарэтычна магла б.
Вядомы гарадзенскі піяніст Аляксей Пятроў і украінска-нямецкая скрыпачка Зоя Неўгадоўска зайграюць 24 лютага ў канцэртнай зале Гарадзенскага музычнага каледжа.
Гродзенскі гарвыканкам склаў спіс 20 будынкаў, якія зараз не выкарыстоўваюцца. Інстытут “Гроднаграмадзянпраект” мае распрацаваць праекты іх прыстасавання пад офісы, кавярні, гатэлі ці іншыя аб’екты сферы паслуг.
Малабераставіцкі ліцэй перапрацоўчай прамысловасці мае намер стварыць на месцы пустуючай панскай сядзібы, што знаходзіцца побач, месца адпачынку. У мінулым годзе там ужо пачалі разводзіць страўсаў і в’етнамскіх свінняў.
Беларускія кіберспартоўцы прымуць удзел у чэмпіянаце, які пройдзе 25-26 лютага ў клубе “Альфа Цэнтаўра” пры падтрымцы Міністэрства абароны. Імпрэза будзе прысвечана Дню абаронцы Бацькаўшчыны.
