Паводле планаў, у квартале паміж вуліцамі 17 верасня, Дзяржынскага, Церашковай і Каханоўскага ліквідуюць прамысловую зону і шчыльна пабудуюць шматпавярховікі. Вуліцу Астроўскага падоўжаць – яна раздзеліць квартал на дзве часткі і дойдзе да чыгуначнага вакзала. Гарадзенцы могуць выказацца наконт гэтага праекта з 21 чэрвеня да 15 ліпеня.
Сотні гарадзенцаў прыйшлі 16 чэрвеня на адкрыццё новага “Еўраопта” ў гандлёвым цэнтры OldCity. Гіпермаркет адкрывалі ўрачыста: з вядомымі артыстамі і вялікімі чэргамі. Новая крама – эксперыментальная, у ёй будуць папулярызаваць беларускую мову.
Скейт, ровар, паркур, трэнажоры – у сённяшняй Instagram-падборцы глядзіце спартыўных хлопцаў, якіх можна сустрэць на вуліцах Гродна.
Краязнаўца Віктар Кірэеў і медык Уладзімір Пруднікаў правядуць старонкамі і мясцінамі гісторыі медыцыны ў Горадні – ад часоў каралевы Боны і да сённяшніх дзён. Першая ў Беларусі аптэка, першая ў Беларусі медычная ВНУ, першая хірургічная аперацыя з дапамогай лазернага абсталявання, першая ў горадзе бальніца пры кляштары Святога Духа, постаці Жылібера, Юпатава, Клейна, Тальгейна і шмат іншых цікавых рэчаў – вядомых, малавядомых і амаль невядомых нам сучасным.
Зламыснікам, які ў ноч з 10 па 11 чэрвеня пашкодзіў на Савецкай вуліцы вазоны, што ўсталявалі да Фестывалю нацыянальных культур, апынуўся 17-гадовы падлетак. Перад тым як пашкодзіць канструкцыі ён адпачываў у адным з бараў па вуліцы Тэльмана ў цэнтры горада.
Пра невялікі выкід на прадпрыемстве “Гродна Азот”, які нібыта зафіксавалі датчыкі раніцай 16 чэрвеня, гарадзенцы пачалі пісаць у сацыяльных сетках пасля 9.00. Бацькі, даведаўшыся пра жоўтае воблака на адным з цэхаў, званілі ў дзіцячыя садкі і прасілі закрываць вокны ды не выпускаць дзяцей на вуліцу. Тым часам супрацоўнікі посцілі сэлфі і супакойвалі людзей, што такое здараецца заўсёды, калі спыняецца цэх азотнай кіслаты.
Напэўна, многія гарадзенцы заўважалі ў Пышках дзяўчыну, якая рэгулярна катаецца на роліках вакол конусаў і пры гэтым танчыць. Завуць яе Васіліса Маслава і яна чэмпіёнка Беларусі па фрыстайл-слалому.
Шэраг майстар-класаў па розных напрамках фітнэсу пройдзе гэтым летам у Пышках. Першы занятак будзе прысвечаны зумбе і адбудзецца 18 чэрвеня ў 11.00 на паляне каля танцпляцоўкі. Праект #МояТренировкаСегодня, у межах каторага пройдуць трэніроўкі, арганізаваны кампаніяй МТС у партнёрстве з Grant Fitness. Са словаў арганізатараў, праект прызначаны ў падтрымку для кожнаму, хто хоча весці актыўны лад жыцця. Апроч Гродна бясплатныя трэніроўкі гэтым летам пройдуць у Мінску, Брэсце, Віцебску, Мазыры і Магілёве.
– Я б хацеў, каб колькасць віз, якія выдаюцца беларусам, павялічылася, – заявіў новы пасол Польшчы Конрад Павлік. Паводле яго дадзеных, грамадзяне Беларусі ў мінулым годзе аформілі ў польскіх консульствах і візавых цэнтрах 400 тысяч віз, піша TUT.BY.
У сядзібе Свяцк Гурскіх пад Гродна 14 чэрвеня здарыўся пажар. Па версіі пажарнікаў, прычынай магла стаць ежа, пакінутая без дагляду на электрапліце. Згарэла 500 кв.м. даху на самай старой і каштоўнай частцы будынка 1828 года, паведамілі ў прэс-службе МНС.
