У нядзелю 24 красавіка ў стралковым комплексе Гродзенскай аргструктуры БФСТ “Дынама” пройдзе першы з сямі адборачных этапаў турніру па стральбе з пнеўматычнай зброі сярод аматараў “Гродзенскі снайпер 2016”.
Доўгія гады ў заапарку спрабавалі вывесці ўнікальны гібрыд. Сёлета эксперымент па злучэнню рыжай самкi з серабрыста-бурым самцом даў станоўчы вынік.
Сям’я з Гродна пераехала ў вёску, дзе робіць натуральныя прадукты і вучыць дзяцей з асаблівасцямі катацца на конях. Пра вясковы лад жыцця, хатні сыр маскарпонэ, сцежку натуральных адчуванняў для дзяцей і незвычайны спосаб пасадкі гародніны і зеляніны з Сяргеем і Антанінай Вавілавымі паразмаўляла карэспандэнтка Гродзенскага Зялёнага партала.
У Гродне працуюць дзве мужчынскія цырульні – барбершопы. Пакуль гэта не самая запатрабаваная паслуга, але здаецца, што цікавасць і жаданне мець дагледжаную бараду ці добрую мужчынскую фрызуру паціху перамагае.
Для гарадзенца Аляксандра Зіміна, які жыве з дыягназам ДЦП, аўтамабіль – не раскоша, а магчымасць зарабляць і займацца грамадскай дзейнасцю. Гэтую магчымасць у яго забралі летась, не выдаўшы чарговай медычнай даведкі. Ніхто не ўлічыў, што тры гады ён ездзіў без адзінага інцыдзенту і скончыў курсы контраварыйнага кіравання. Але рашэнне РНПЦ экпертызы і рэабілітацыі – вышэйшай медыцынскай інстанцыі ў гэтай справе – не пажыццёвае. Аляксандр збіраецца прайсці медкамісію зноў. Гэтым разам, патрабуючы абгрунтавання – згодна з якімі пунктамі заканадаўства і па якіх медыцынскіх паказчыках ён не мае права кіраваць аўтамабілем.
На канцэрт рэпера Аксімірона ў Моладзевым цэнтры “Гродна” прыйшлі слухачы розных узростаў. Іх аб’яднала думка, што творчасць спевака вылучаецца сваёй спецыфічнай лірыкай.
Гарадзенскі падарожнік амаль дайшоў да Лагойска, калі з ім звязаліся людзі, ахвотныя дапамагчы з рэчамі. Каб атрымаць і праверыць новую экіпіроўку, ён быў вымушаны прыпыніць свой шлях амаль на месяц.
Каля 20 плямістых аленяў блукае ў выколіцах вёскі Алекшыцы на Гарадзеншчыне. Па словах мясцовых жыхароў, старшыня калгаса завёз жывёл у пачатку 2000-х гадоў, але разводзіць іх не атрымалася, бо ўсе яны ўцяклі і цяпер самастойна жывуць і размнажаюцца ў прыродзе.
Улады Беластока знайшлі зручны спосаб збудаваць новы аўтавакзал без выкарыстання грошаў з гарадскога бюджэту. Гэтым займаецца варшаўскае прадпрыемства Budner, якое ўзамен атрымае больш за палову тэрыторыі, што зараз належыць прадпрыемству PKS (Дзяржаўная аўтамабільная камунікацыя).
Апошні раз у Гродзенскай вобласці гагу звычайную назіралі ў 2007 годзе. Праз дзевяць гадоў рэдкую для гэтых мясцін марскую качку зноў заўважылі. Зараз паглядзець на яе прыязджаюць арнітолагі з розных гарадоў Беларусі.
