Сёлета ўпершыню маладыя майстры Гарадзеншчыны возьмуць удзел у конкурсе прафесійнага майстэрства WorldSkills, паведамляе БЕЛТА. Адборачны этап спаборніцтваў пройдзе з 24 па 26 лютага. Удзел у конкурсе возьмуць каля 40 маладых майстроў. Пераможцаў чакае ўдзел у рэспубліканскім туры, а магчыма і шанец прадставіць краіну на міжнародным турніры ў Абу-Дабі.
Корпус рэактара першага энергаблока БелАЭС пачнуць мантаваць 28 траўня. Працэс зойме каля двух тыдняў, піша TUT.BY.
Навукова-культурнае аб’яднанне GFPS-Polska абвяшчае набор заявак для студэнтаў з Беларусі, якія зацікаўлены выездам у Польшчу на зімовы семестр (кастрычнік 2016 – люты 2017).
Эканамічны суд Гродзенскай вобласці спагнаў у 2015 годзе 358 млрд рублёў, з чаго чацвёртую частку складалі штрафы. Праўда, патрабаванні былі ў 10 разоў большымі – 3,4 трлн. Пра гэта расказаў на прэс-канферэнцыі старшыня суда Дзяніс Валдаўцаў. Таксама ён распавёў пра найбольш актуальныя адміністрацыйныя парушэнні ў рэгіёне, працэдуры дасудовага вырашэння канфліктаў і выкарыстанне інфармацыйных тэхналогій у судзе.
Цяпер у Цэнтры рамёстваў па вуліцы Рэйманта, 12 будзе больш наведвальнікаў. У скульптараў і мастакоў з’явіўся свой начальнік – Святлана Полчанкава. Пад яе кіраўніцтвам выставы абяцаюць праводзіць значна часцей. Першай ластаўкай стала персанальная выстава мэтра гарадзенскай скульптуры – рэзчыка па дрэве Мікалая Скляра.
У рэдакцыю “Твайго стылю” звярнуўся чытач Аляксей, які распавёў, што на даху аднаго з дамоў горада знайшлі цікавыя старыя газеты і кнігі. Занепакоены гарадзенец баяўся за лёс знаходкі і прасіў разабрацца. Мы даведаліся ў супрацоўнікаў музея, што рабіць у такім выпадку.
Існуе меркаванне, што шлюб з замежнікам – квіток у шчаслівую будучыню. Тры гарадзенкі расказалі “Твайму стылю”, ці так гэта. А таксама што рабіць з розніцай у светапоглядах і чым адрозніваюцца замежнікі ад беларусаў.
Жыхары малых гарадоў і аграгарадкоў на Гарадзеншчыне асабліва адчулі падаражэнне камунальных паслуг. Некаторыя кажуць, што не здолеюць своечасова іх аплаціць.
Пагранічны нарад на беларуска-літоўскай мяжы ў Іўеўскім раёне 16 лютага заўважыў свежыя сляды, якія вялі з боку Літвы. Неўзабаве ля вёскі Мацюкі ўдалося затрымаць 23-гадовага літоўца, паведамляе прэс-служба Дзяржпагранкамітэта.
У чацвер, 18 лютага, у галерэі “Крыга” адбудзеццца прэзентацыя кнігі “Саветы” – заходнебеларускага раману-хронікі 1939 года.
