Новую задумку гарадскіх уладаў – стварыць у даліне Ласасянкі паркавую зону – варта падтрымаць цалкам. Тым больш, гэты маляўнічы куточак горада мае вялікую гістарычную вартасць. Разам з Ігарам Лапехам мы працягваем шукаць даўняе Кунстава – Дзівосны Горад у ваколіцах сённяшняга Фолюша.
У Гродне 14 мая больш за 150 памежнікаў з восьмі гарадоў Беларусі прынялі ўдзел у аглядзе-конкурсе аркестраў органаў Пагранічнай службы. Асноўныя дзеянні святочнага мерапрыемства прайшлі на вуліцы Савецкай і ў парку Жылібера.
Цуд не адбыўся ў трэцім матчы фіналу паміж мінскімі “Цмокамі” і “Гродна-93”. Гульня, якая праходзіла ў сталіцы, завяршылася на карысць гаспадароў, тым самым дазволіла ім заваяваць залатыя медалі чэмпіянату. “Цмокі” сёмы раз запар сталі пераможцамі чэмпіянату Беларусі, а “Гродна-93” у сёмы раз запар засталіся са срэбрам.
“Гіпа” ў гандлёвым цэнтры OldCity – cамы буйны гарадзенскі гіпермаркет – спыняе сваю дзейнасць. Пра гэта стала вядома 13 мая, калі работнікам крамы паведамілі пра закрыццё.
Каб аформіць TAX FREE – вяртанне падатку VAT для замежнікаў – з 1 чэрвеня 2016 года ў польскіх крамах трэба будзе набываць тавары на агульную мінімальную суму 300 злотых. Раней хапала 200 злотых. Змены ўвяло распараджэнне Міністра фінансаў Польшчы ад 1 красавіка 2016 года.
Больш за 200 дзяцей прынялі ўдзел у дабрачыннай акцыі, якая прайшла 13 мая ў цэнтры Гродна. Маленькія гарадзенцы з мноствам цацак і паперкамі з хэштэгам #ПомогиМарииКара роўна ў 13.00 сталі на вуліцы Савецкай, каб прыцягнуць увагу гараджан да патрэб хворай дзяўчынкі.
Калі памірае хатні любімец, да эмацыйнай сітуацыі страты дадаецца не менш эмацыйная праблема – што рабіць з яго целам. Мы даведаліся, як вырашаюць гэта пытанне гарадзенцы і што прапануюць у ветэрынарнай станцыі, “Спецаўтагаспадарцы”, заалагічнай краме і ў жыллёва-эксплуатацыйнай службе.
У кінатэатры “Чырвоная зорка” 25 мая ўпершыню ў Беларусі пройдзе паказ фільма з цiфлакаментарыямi. Гэта каментарыі, якія паведамляюць людзям са слабым зрокам, што адбываецца на экране.
Да чэрвеня 2016 года ў Гродне мае з’явіцца новы спартыўны аб’ект, які не патрабуе вялікіх выдаткаў. Пляцоўку для пляжнага футбола збудуюць на тэрыторыі дзіцяча-юнацкай школы футбольнага “Нёмана”, якая знаходзіцца ў Каложскім парку.
Новая задумка гарадскіх уладаў – стварыць у даліне Ласасянкі паркавую зону – належыць да тых нешматлікіх ініцыятыў, якія варта падтрымаць цалкам. Больш за 15 гектараў зямлі ў адным з самых маляўнічых куточкаў горада, занятых нелегальнымі сельскагаспадарчымі надзеламі ў 2-3 соткі – гэта не нармальна. У той час, калі жыхары вялікага мікрараёна павінны ездзіць адпачываць на возера Юбілейнае, Аўгустоўскі канал ці яшчэ далей, некаторыя маюць тут прыватныя “фазэнды” з непасрэдным выхадам да вады.
