Калі я ўбачыла артыкул “Аддаць мюслі, узяць мацу. Як працуе фудшэрынг ў Гродне“, радасці маёй не было мяжы. Які ў нас прасунуты еўрапейскі гарадок, думала я. Але, адкрыўшы матэрыял, моцна расчаравалася. З’ява, якая ў ім апісана, на фудшэрынг падобна вельмі аддалена.
Гарадзенка Ольчык Астроўская працягвае дзяліцца ўражаннямі ад 10 дзён у Ізраілі – краіне, якая за 50 год вырасла з пустыні дзякуючы карпатлівай працы і намаганням людзей.
У судзе Гродзенскага раёна 26 мая пачаўся судовы працэс па справе сабакі Лоры. Яе, на думку валанцёраў арганізацыі “Адданае сэрца”, давяла да знясілення і абязводжвання маладая сям’я з вёскі Луцкаўляны. Былую гаспадыню сабакі Таццяну абвінавачваюць па арт. 15.45 КаАП – жорсткае абыходжанне з жывёлай. Ёй пагражае штраф ад 10 да 30 базавых велічынь або адміністратыўны арышт.
Гарадзенскі дзіцячы садок №45 сёлета адзначае 45-годдзе і ў падыхтоўцы да ўгодкаў больш нагадвае будаўнічую пляцоўку – замест дзяцей тут зараз можна сустрэць толькі рабочых-будаўнікоў. Аднак гэта – таксама вынік педагагічнай дзейнасці. Рамонт, які ператварыў звычайны садок у пілотны аб’ект праекта “Энергаэфектыўнасць у школах”, што Еўразвяз і Праграма Развіцця ААН рэалізуюць у Беларусі, – узнагарода за плённую працу педагогаў у навучанні беражлівасці.
У чацвер, 26 мая, у Гродне адкрыўся новы караоке-клуб “Луна”, які размясціўся ў будынку моладзевага цэнтра “Галактыка”. На ўрачыстым адкрыцці перарэзвалі чырвоную стужку, выступалі музычныя калектывы праекта “Ведай нашых”, а ўсе жадаючыя маглі выпрабаваць сцэну і прадэманстраваць увесь свой вакальны дыяпазон.
Традыцыйная працэсія ў гонар свята Божага Цела прайшла ўвечары 26 мая па цэнтральных вуліцах Гродна. У ёй прынялі ўдзел тысячы вернікаў.
Вуліныя мастакі, што на свой густ размалёўваюць сцены ў горадзе і пакідаюць рознага кшталту надпісы, ўжо даўно сталі тэмай абмеркаванняў сярод гаражан. Часта гэты жывапіс далёкі ад дасканаласці і толькі псуе знешні выгляд гарадской прасторы. Знайсці такіх гора-мастакоў не ўяўляецца магчымым. Іншая справа, калі графітысты працуюць па “законах жанра” і падпісваюць свае працы. Тады вызначыць іх значна прасцей. І пакараць – таксама. Так сталася і ў выпадку з яркімі малюнкамі, што з’явіліся на фасадах ў цэнтры Гродна. Іх аўтараў міліцыя з’ідэнтыфікавала. Як высветлілася, дазволу на роспіс будынкаў яны не мелі, а фарбу атрымалі на зусім іншы праект.
Двух маладых вавёрак з незвычайнай афарбоўкай выявіў і сфатаграфаваў на старой алешыне непадалёк ад левага берага ракі Ласасянкі, а затым выклаў на сайт Птушкі штодня, Мікалай Гулінскі, піша Гродзенскі Зялёны партал.
Надвор’е ў апошнія вясеннія дні было вельмі зменлівым. Дажджы, сонца, вецер, хмар, прыгожыя захады і світанкі, вясёлкі – усё гэта можна было ўбачыць над нашым горадам. Глядзіце, як прыгожа атрымліваецца ў гарадзенцаў фатаграфаваць неба (і не толькі).
У самым цэнтры горада, ля ўнівермага, неўзабаве запрацуе яшчэ адна кавярня на вольным паветры. Для Гродна гэта будзе новы фармат: там будзе кантактная барная стойка, шмат камфортных крэслаў і канапа, а ўвечары можна будзе закутацца ў плед.
