Нягледзячы на даволі складаныя ўмовы надвор’я, вяскоўцы і жыхары райцэнтраў ужо пераселі на веласіпеды. У выніку: ў трох дарожна-транспартных здарэннях, якія адбыліся за апошнія дні ў Гродзенскай вобласці, загінула жанчына, а двое мужчын сур’ёзна пацярпелі.
Адкрыццё аддзялення гемадыяліза ў Ваўкавыскай гарадской бальніцы, якое адбудзецца сёння, прынясе вялізнае палягчэнне хворым не толькі Ваўкавыскага раёна, але і Слонімскага, Мастоўскага, Зэльвенскага, Свіслацкага і Бераставіцкага. Дагэтуль хворых, якім патрэбны апарат «штучная нырка», тройчы ў тыдзень вазілі ў Гродна.
У Гародні паказвалі нямецкае эксперыментальнае кіно, у “Зорачцы” пасля рэканструкцыі з’явіліся афіцыянты, а кіно абяцаюць круціць нават уначы. Гарадзенскія студэнткі паказалі калекцыю адзення на рэспубліканскім конкурсе “Млын моды”, а ў Гародні прэзентавалі другую частку “Начной чытанкі”.
На мінулым тыдні па запрашэнні гродзенскага кінаклуба “Rе-анімацыя” нямецкая кінагрупа CHAOS і A.K.A.S паказала нямецкае эксперыментальнае кіно.
Кіраўніцтва ААТ “Мастоўдрэў” і дырэктар прадпрыемства Сяргей Асосаў асабіста адмаўляюцца выконваць прадпісанне Гродзенскага абласнога ўпраўлення дэпартамента дзяржаўнай інспекцыі працы, паводле якога працоўным павінны вярнуць незаконна ўтрыманыя грашовыя сродкі.
У гродзенца канфіскавалі больш за сто ювелірных вырабаў без прабірных клейм Беларусі на суму 120 мільёнаў беларускіх рублёў.
Упершыню ў Гродна прайшло адкрытае першынства сярод чарлідэрскіх груп навучальных устаноў горада.
Авіяпералёты Гродна-Масква былі спынены з-за тэхнічных праблем з лайнерамі. Пералёты ажыццяўляла маскоўская авіякампанія “Атлант-Союз”. З 19 сакавіка кампанія прыпыніла ўсе палёты на рэгіянальных самалётах Embraer 120. Рашэнне было прынята ў сувязі з незадавальняючым тэхнічным станам лайнераў, а таксама з вялікімі стратамі па іх эксплуатацыі.
Сёлетняя агульнанацыянальная дыктоўка праводзілася пад лозунгам “Будзьма з мовай”! і сабрала больш за 200 гродзенцаў.
Дзяўчаты з гарадзенскай “Алімпіі” па-ранейшаму змагаюцца за залатыя медалі чэмпіянату краіны. А вось баскетбалістам “Гродна-93” застаецца спадзявацца толькі на “бронзу”.
