Уладальнік групы кампаній “Біякам” Андрэй Паўлоўскі памілаваны прэзідэнтам, заявіў старшыня КДБ Валерый Вакульчык журналістам у аўторак, 15 сакавіка.
Паводле яго слоў, бізнесмен кампенсаваў прычынены ўрон у памеры 20 млн долараў і быў вызвалены ад крымінальнай адказнасці. “Акт памілавання ўступіў у законную сілу”, – сказаў Вакульчык.
16 сакавіка у 17.00 лекары, анкапацыенты і грамадскія актывісты Гродна арганізуюць сустрэчу для ўсіх, хто зацікаўлены вызначыць для сябе новую жыццёвую стратэгію пасля пастаноўкі дыягназу “рак”, а таксама падзяліцца асабістым досведам паспяховага выздараўлення.
У горадзе часта праходзяць нарады па развіцці турызму з удзелам прадстаўнікоў улады, мясцовых ВНУ і нават некаторых турфірмы. Прымаюцца “дарожныя карты”, праекты і планы, ідзе пошук інвестараў, напрыклад, для Аўгустоўскага канала. Між тым, без вырашэння некалькіх найбольш важных праблем, усе гэтыя нарады будуць не надта актуальнымі.
Рахункі на аплату паслуг ЖКГ прыйдуць у другой палове сакавіка. Да таго часу трэба дапрацаваць методыку разліку і праграмнае забеспячэнне “Разлік-ЖКП”, таму жыроўкі будуць сфармаваныя і дасланыя пасля 15 сакавіка, паведаміў намеснік гендырэктара гарадскога ЖКГ Сяргей Сямашка. У паведамленні Белта міністр ЖКГ інфармуе, што аплату лютаўскіх жыровак прадоўжаць да 1 красавіка.
Аканнi Чэмзi Прынц Чарльз – менавіта так клічуць нігерыйскага студэнта, які прыехаў у Гродна ў 2014 годзе і пайшоў вучыцца не на падрыхтоўчы курс, а адразу ў Медыцынскі ўніверсітэт. Вучоба ў Беларусі – нармальная з’ява для афрыканскай моладзі. Прынц – ужо чацвёрты чалавек са сваёй сям’і, які прыехаў па адукацыю ў Еўропу.
Крымінальныя справы ўзбуджаны супраць кіраўніка аднаго з аддзелаў Гродзенскага гарвыканкама і дырэктаркі прыватнай гандлёвай фірмы. Іх падазраюць у крадзяжы ў буйным памеры праз злоўжыванне службовымі паўнамоцтвамі (ч.3 арт. 210 КК), паведаміў афіцыйны прадстаўнік УСК па Гродзенскай вобласці Сяргей Шаршаневіч.
На працягу тыдня аператыўнікі шукалі 56-гадовага жыхара вёскі Пяцюлеўчы Лідкага раёна, што 7 сакавіка сышоў з дому і не вярнуўся. 15 сакавіка ва УСС Гродна паведамілі, што яго цела з шасцю сечанымі ранамі было знойдзена ў канаве з вадой.
У сакавіку ў Гродне адчынілася новае месца – гастрабар “Вердэн”. Адзін з яго заснавальнікаў расказаў пра ідэю месца і патлумачыў, чаму пераехаць з Піцера ў нашмат меншы Гродна ды пасля працы ў дыпламатыі заняцца гастраноміяй – гэта нармальна.
Дзяўчынка ва ўзросце аднаго году патрапіла 14 сакавіка ў абласную дзіцячую бальніцу Гродна з дыягназам “атручванне ўгарным газам”, паведамілі ў прэс-службе МНС.
Склад сервіса “Е-Доставка” спыніў працу ў Гродне 14 сакавіка. Цяпер тавары з сеткі “Еўраопт” можна замовіць з дастаўкай толькі з Мінска па прынцыпе “на заўтра” або “на паслязаўтра”.
