Набор з дзесяці паштовак гарадзенцы пабачылі на прэзентацыі, што прайшла ўвечары 22 красавіка. На картках намаляваныя выявы будынкаў або фрагментаў дэкору, характэрных для раёна Новы свет. Таксама наведнікам “Крыгі” прадставілі новы макет-складанку даўняй гарадзенскай ратушы.
Лекцыі прысвечаныя гарадам, гарадскім супольнасцям і грамадскай прасторы расійскі ўрбаніст Святаслаў Мурунаў прачытае 29 красавіка – 1 мая ў антыкафэ “Жывы час”. У гэтыя ж дні пройдзе вялікі трохдзённы воркшоп.
“Твой стыль” падвёў вынікі конкурсу “Grodno na starej fotografii”, у якім мы разыгрывалі каштоўную кнігу-альбом, прысвечаны даўняму Гродна. Пераможца вызначыўся шляхам лёсавання.
Энерджайзеры, трэнінг, дэбаты і гарачая дыскусія – так студэнты ГрДУ імя Янкі Купалы весела і з карысцю правялі вечар серады 16 красавіка.
Пры падтрымцы “Клуба аматараў польскай мовы” студэнты для сваіх жа калег правялі дэбаты, падчас якіх пастараліся знайсці адказ на пытанне, неабыякавае для кожнага студэнта: ці варта студэнту ўдзельнічаць у жыцці ВНУ?
Знішчаны 53 гады таму храм адновяць з дапамогай тэхналогіі відэамэпінгу. 6 чэрвеня ў 23.30 на месцы, дзе знаходзіўся знакаміты касцёл, пройдзе цырымонія адкрыцця памятнага знаку. У яе межах у небе пакажуць аб’ёмную выявы Фары розных часоў.
Пяты, юбілейны, Фестываль беларускамоўнай рэкламы і камунікацыі AD.NAK! пройдзе ў трэндзе Glocal і паспрабуе абагульніць вынікі і досвед папярэдніх чатырох гадоў. Слоган сёлетняга фэсту: “Трэба так! Дбай пра сваё – не прагадаеш”.
Выратаваць жыццё чалавеку, які заснуў з цыгарэтай, дапаможа адмысловая пасцельная бялізна, паведамляе прэс-служба Гродзенскага МНС.
Выпрабаваць сваё аўто на бездарожжы 26 красавіка гродзенскі клуб “Поўны прывад” запрашае ўсіх ахвотных без абмежаванняў тыпу тэхнікі.
27 красавіка ў 12.00 у забаўляльным цэнтры “Галактыка” (вул. Лідская, 1) пройдзе першы ў Гродне фэст настольных гульняў “Кубік у кубе”. Вы яшчэ не вырашылі – ісці ці не? Гэты фестываль падыходзіць усім! Прачытайце 10 прычын чаму трэба пайсці на фестываль, і яны развеюць усе вашы сумневы.
Гарадзенскія баскетбалісткі згубілі шансы на перамогу ў сёлетнім чэмпіянаце краіны. У рашаючым матчы паўфінальнай серыі каманда Аляксандра Шымковяка саступіла 22 красавіка сталічным “Цмокам”.
