Больш за 60 спартсменаў з усёй Беларусі змагаліся за званне мацнейшых у чарговым этапе чэмпіянату Гродзенскай вобласці па мотакросе, які прайшоў 27 жніўня каля Кургана Славы.
Канец працоўнага тыдня старшыня гродзенскага гарвыканкама Мечыслаў Гой вырашыў з карысцю правесці для аматараў веларуху. Група з велаактывістаў, журналістаў, супрацоўнікаў ДАІ і чыноўнікаў. Больш за дзве гадзiны людзi ездзілі па горадзе і шукалі самыя праблемныя месцы.
Малатабойца, прызёра Алімпійскіх гульняў у Рыа Івана Ціхана сустракалі ў Гродне ўвечары 26 жніўня. Пасля гучных перамог, ужо па добрай традыцыі на Фолюшы, дзе жыве Іван, суседзі збіраюцца і незвычайным чынам сустракаюць свайго любiмага спартсмена. У гэты раз яны запрасілі цыган і цэлы аркестр МНС.
Кампанія будзе маніторыць прымус студэнтаў да датэрміновага галасавання і каардынаваць дзеянні назіральнікаў на выбарчых участках, якія знаходзяцца ў студэнтскіх інтэрнатах. Каардытатары просяць студэнтаў паведамляць пра настойлівыя заклікі прагаласаваць датэрмінова за патуранне або пагрозу.
Дызайнеры гарадзенскіх білбордаў зноў вылучыліся непісьменнасцю. У цэнтры горада на сцяне адной са старых камяніц у двары вуліцы Савецкай з’явіўся велізарны плакат. На вялікім палотнішчы размешчаная выява… Віцебска.
У гарадзенскай бронзавай скульптуры жабы-падарожнiцы, што ўсталявана на вуліцы Ажэшкi, невядомыя адарвалі торбу. Адны з першых, 26 жніўня выявілі прапажу супрацоўнікі інфармацыйна-турыстычнага цэнтра. Хто і навошта скраў частку скульптуры, пакуль невядома.
Як пачыналася лета ў Гродне, так і заканчваецца – усё тымі ж яркімі фарбамі. У суботу 27 жніўня ў Каробчыцах пройдзе чарговы Фестываль ColorFest, які прапануе гарадзенцам прыгожа закрыць сезон адпачынку ды павесяліцца пад разнастайную музыку.
Джон Вэбстэр з Шатландыі ездзіць на байку ўжо паўстагоддя. За гэты час ён скалясіў усю Еўропу, пабываў у Амерыцы, Аўстраліі і Новай Зеландыі, а сёлета, па запрашэнні гарадзенскіх сяброў-байкераў і Лідскага клуба Devoid of rights, завітаў у Беларусь.
Гарадзенскі “Нёман” пачаў удзел у традыцыйным Кубку Дубко з перамогі. У першым паядынку падапечныя Сяргея Пушкова толькі ў трэцім перыядзе змаглі пераламаць зыход сустрэчы з грозным “Славуцічам”. Выніковы лік 2:1 на карысць “Нёмана”.
Пасля публікацыі ў часопісе «Имена» артыкула пра тое, што на ўсю Беларусь – у Гродне – працуе толькі адна сацыяльная няня, якая даглядае малых-сірот у бальніцах, чытачы абурыліся настолькі, што вырашылі праблему за пару тыдняў. Яны дапамаглі Чырвонаму Крыжу наняць яшчэ шасцярых! Для дваіх сродкі пералічылі чытачы з Беларусі, яшчэ для адной – беларусы са штата Мінесота (ЗША), а яшчэ чатырох нянь прафінансаваў адзін з беларускіх ІТ-бізнесменаў. Так што цяпер няні будуць не толькі ў Гродне, але яшчэ ў Наваградку, Лідзе, Слоніме і Ваўкавыску! Вынік: у гэтым годзе каля 700 малых, ад якіх адмовіліся бацькі, не будуць самотна плакаць у закрытых бальнічных «боксах».
