12 сакавіка ў польскім Беластоку адбудзецца канцэрт беларускіх гуртоў Brutto і Dzieciuki. Арганізатары абяцаюць забяспечыць бясплатнымі візамі на 4 дні. У Гродне пачаты прыём заявак на падачу дакументаў.
22 студзеня пачаў працаваць тэатр Сапегаў у Дзярэчыне, у Варшаве пачалося паўстанне 1863 года, а ў Пецярбургу адбылася “крывавая нядзеля”.
Чарговы свой матч хакеісты “Нёмана” прайгралі. На гэты раз пры роўнай барацьбе крыўдзіцелем гарадзенцаў стаў “Гомель”.
Будаўнічыя працы на месцы старога цэху аміяк-1 пачаліся пасля таго, як у Гродна даставілі 50-мятровую калону для абсорбцыі нітрозных газаў. Зараз пад новы цэх азотнай кіслаты ладзяць штучную аснову ды арміруюць фундамент, піша Белта.
Каля парку Жылібера з’явіцца шыльда з інфармацыяй пра гісторыю парка, унёсак яго заснавальніка Жана Жылібера ў развіццё Гродна ў XVIII ст., а таксама пра пачатак адраджэння ягонага батанічнага сада. Праз два тыдні шыльду павінны вырабіць, але пакуль невядома, калі яе ўсталююць.
Стаянка прыблізна на 90 машынамесцаў пачне працу неўзабаве. Спецыялістам засталося ўсталяваць праграмнае забеспячэнне і пратэсціраваць сістэму.
Вуліца Студэнцкая раней была самым простым шляхам ад сённяшняга ўніверсітэту да перонаў чыгункі. На ёй знаходзілася важная навучальная ўстанова, пра якую сёння мала хто ведае.
Былую вёску Вішнявец, якую ўжо даўно акружылі шматпавярховікі, будуць ушчыльняць. Па закону гараджане не могуць мець такія вялікія ўчасткі, таму іх “абрэжуць” і дадаткова забудуюць. Прадстаўнікі гарадской адміністрацыі 20 студзеня сустрэліся з жыхарамі прыватнага сектара ў актавай зале школы №38. Праз “дзяржаўную неабходнасць” ва ўладальнікаў дамоў з’явяцца новыя суседзі.
На біржавых таргах 21 студзеня долар і еўра рэзка выраслі ў цане адносна беларускага і расійскага рублёў. Долар падаражэў больш чым на 1500 рублёў.
У сёлетнім раскладзе руху польскай чыгункі, які будзе дзейнічаць да сярэдзіны снежня, ужо дакладна не з’явяцца цягнікі Варшава-Гродна. Новае кіраўніцтва Міністэрства Інфраструктуры і Будаўніцтва вырашыла не пераглядаць рашэння сваіх папярэднікаў пра адмену спалучэння.
