Праблемы, звязаныя з працай беларускіх журналістаў, абмярковаліся сёння ў Гродне ў час прэс-клубу “Самацэнзура – пастка ці механізм самакантролю?”. Мерапрыемства было арганізаванае грамадскім аб’яднаннем “Беларуская асацыяцыя журналістаў” (БАЖ).
Семдзесят пяць навучэнцаў былі эвакуаваныя з інтэрнату Ваўкавыскага педагагічнага каледжа ўвечары 9 лістапада. Прычынай стаў пажар ў электрашчытавым пакоі. Аб небяспецы паведаміла аўтаматычная сістэма “Маланка”.
Казачны свет венесуэльскіх джунгляў праз карціны і фотаздымкі можна ўбачыць на выставе, якая адчынілася 11 лістапада ў Гарадзенскай выставачнай зале па вул. Ажэшкі.
Адзінаццаць загінулых, трыццаць пяць параненых. Гэта не паведамленне з месцаў ваенных дзеянняў альбо тэрактаў. Столькі жыхароў Гарадзеншчыны пацярпела сёлета ад траўмаў на вытворчасці.
Сёння беларускі парламент зацвердзіў пагадненне пра спрошчанае перасячэнне беларуска-польскай мяжы для жыхароў памежнай зоны. На практыцы адчуць выгоды ад гэтага можна будзе вясной.
У кінатэатры “Чырвоная зорка” заўтра адбудзецца прэм’ера містычнай стужкі “Масакра”. Фільм Андрэя Кудзіненкі здымаўся ў маёнтку князёў Святаполкаў-Чацвярцінскіх у мястэчку Жалудок (Шчучынскі раён). На Мінскім міжнародным кінафестывалі “Лістапад” стужка была названая самай яркай прэм’ерай 2010 г.
Прэтэндэнт на прэзідэнцкую пасаду сустрэўся ў аўторак з прадстаўнікамі польскай грамадскасці ў Гродне. Палітык выступаў на польскай мове і абяцаў у выпадку прыходу да ўлады падтрымліваць інтарэсы польскай меншасці.
10 лістапада ў Еўрапейскім гуманітарным універсітэце ў Вільні была прэзентаваная антыатамная інсталяцыя. Такім чынам беларускія студэнты і эколагі выказалі сваю занепакоенасць планамі будаўніцтва АЭС у Беларусі і суседніх краінах.
З ініцыятывы старшыні Гродзенскага аблвыканкама Сямёна Шапіры прынята рашэнне ўкараняць беларускую мову ў справаводства дзяржаўнай установы.
З адпаведным зваротам выступілі шэраг міжнародных і экалагічных арганізацыяў.
