Хадзіць у біятуалеты ў Гродне стала небяспечна. На працягу апошняга года года страх на іх наведвальнікаў наводзіць невядомы дарослы мужчына, які выразае дзіркі ў сценах туалетаў, каб падглядваць за тымі, хто зайшоў у суседнюю кабінку.
Наезд, у выніку каторага юны раварыст атрымаў траўму, адбыўся 11 ліпеня ў адным з двароў на вуліцы Лізы Чайкінай ў абласнтным цэнтры, паведамляе ДАІ Гродна.
У выніку навальніцы і моцнага ветру, якія прайшлі па Гарадзенскай вобласці 11 ліпеня, у цэнтр аператыўнага ўпраўлення абласнога МНС паступалі паведамленні пра падзенне дрэў на праезныя часткi, лініі электраперадач і пабудовы.
У Іўі 7 ліпеня адбылася сустрэча дзяўчынак-падлеткаў з ментарамі – прафесіяналамі ў галіне журналістыкі і мастацтва. Каб натхніць дзяўчат с невялікага горада на самаразвіццё і адукацыю журналістка Ганна Бонд і супрацоўнік нацыянальнага мастацкага музея Мікіта Моніч правялі майстар класы, дзе дзяўчаты пастрабавалі сябе ў якасці рэпарцёраў і музейшчыкаў. Акцыя ў Іўі ладзілася Фондам ААН у галіне народанасельніцтва Беларусі (ЮНФПА) ў межах кампаніі “Дзяўчаты-падлеткі – пакаленне Мэтаў устойлівага развіцця 2015-2030”
Хакейны “Нёман” 1 ліпеня выйшаў з адпачынку. Да новага сезону пачалі падрыхтоўку без малога тры дзесяткі хакеістаў. Заняткамі на зямлі кіруе новы трэнерскі штаб, які ўзначальвае Сяргей Пушкоў.
Гарадзенец Іван Ціхан заваяваў срэбра на чэмпіянаце Еўропы ў Амстэрдаме, паведаміла Еўрарадыё. Кідальнік молата, якому 24 ліпеня споўніцца 40 гадоў, паказаў вынік 78 метраў 84 сантыметра. Золата дасталося паляку Паўлу Файдэку — 80 метраў 46 сантыметраў, бронза — яшчэ аднаму прадстаўніку Польшчы Войцеху Навіцкаму — 77,53 м.
Навальніца, што прайшлася па гораду 11 ліпеня прынесла чарговыя разбурэнні. Ізноў навокал паламаныя і вываленые з карэннем дрэвы, паваленыя білдорды і затопленыя вуліцы. З паведамленняў відавочцаў найбольш пацярпеў раён вуліц Белуша і Лідскай.
Выходнымі, 9 ліпеня, у Гродне першы раз прайшоў фэст “Кола сустрэч”. Імпрэза, якую зладзілі на плошчы Леніна, сабрала творчыя калектывы з Гродна і з блізкага замежжа.
На трэці дзень фестывалю “Кинемо” ў Гродне, 10 ліпеня, у дворыку Музея гісторыі рэлігіі паказвалі фільм Альфрэда Хічкока “Жылец”. Суправаджэнне 90-гадовай стужкі жывой музыкай выконвалі кампазітары, лаўрэаты шматлікіх музычных конкурсаў Віталь Эпаў і Вольга Падгайская.
Марафон сяброўства паміж Гродна і Друскенікамі, які стартуе па чарзе то з Беларусі, то з Літвы, сёлета прайшоў ужо шосты раз. 108 марафонцаў з 9 краін – прадстаўнікі Нарвегіі, Украіны, Польшчы, Літвы, Італіі, Велікабрытаніі, Расіі, Германіі і Беларусі – 10 ліпеня прабеглі дыстанцыю ў 42 кіламетры 195 метраў ад цэнтра літоўскага курорта да стадыёна “Нёман”. Мы пацікавіліся, каму апроч спартсменаў скарылася гэта дыстанцыя і чаму людзі бягуць марафон.
